" Хяналтын улсын байцаагчийн эрх олгосонтой " холбогдуулан Аймгийн прокурорын газрын Ахлах прокурор Б.Сансарбаяр, Зөрчлийн тухай хууль, Зөрчил шалган шийдвэрлэх тухай хууль, Зөрчлийн хэрэг бүртгэлийн ажиллагаа, Хяналтын улсын байцаагч Б.Бат-Эрдэнэ https://ezurchil.gov.mn/ цахим системд хэрхэн ажиллах талаар хамтран сургалт зохион байгууллаа.

Сургалтаар Хяналтын улсын байцаагчийн эрх, чиг үүрэг, хууль тогтоомжийн хэрэгжилт болон үйл ажиллагаанд анхаарах асуудлын талаар мэдээлэл, арга зүйн зөвлөгөө өгч, харилцан санал солилцов.

Сумдын Улсын бүртгэгч нарт Хяналтын улсын байцаагчийн эрх олгосноор тухайн сумын иргэд хяналтын улсын байцаагчид хандах шаардлагатай тохиолдолд Аймгийн төвд зорьж ирэхгүйгээр сумандаа үйлчилгээг авах боломж бүрдэж байна.

Сургалтад:

Асгат, Баянтэс, Нөмрөг, Сантмаргаз, Сонгино, Тэлмэн, Тэс, Ургамал, Цагаанчулуут, Цэцэн-Уул сумдын Улсын бүртгэгч нар хамрагдлаа.

Энэхүү арга хэмжээ нь төрийн үйлчилгээг иргэдэд ойртуулах, чирэгдэл болон цаг хугацааг бууруулах, сум орон нутагт улсын бүртгэлийн үйлчилгээг илүү шуурхай, хүртээмжтэй хүргэхэд чухал ач холбогдолтой юм.