Баруунбаян-Улаан сумын 1-р баг Таацын гол дагуу бэлчээрийн газар дур мэдэн хашсан иргэдэд хуулийн хүрээнд шаардлага тавьж чөлөөлүүлэх арга хэмжээ авч ажиллаж байна.

Бэлчээр, бэлчээр дэх уст цэг, хужир мараа бүхий газрыг төрийн зохих шатны байгууллагын хяналт, зохицуулалттайгаар нийтээр ашиглана гэж заасан байдаг бөгөөд бэлчээрийн газрыг дур мэдэн хашаалж, бусдын нийтлэг ашиглалтыг хязгаарлах нь хууль зүйн зөрчилд хүргэж байна. Хадлангийн бэлчээрийн хашаалсан газар нь голын энгийн болон онцгой хамгаалалтын бүсэд орж байгаа бөгөөд Хамгаалалтын бүсийн дэглэмийн журмын 2.5-д онцгой хамгаалалтын бүсэд тусгайлан зөвшөөрснөөс бусад бүх төрлийн үйл ажиллагаа явуулахыг хориглосон байдаг.