🎖️БАРИЛГЫН САЛБАРЫН ШИНЭХЭН ГАВЬЯАТ Д.НАМЖИЛ
🏢Монгол Улсад орчин цагийн барилгын салбар үүсч хөгжсөний 100 жилийн ой, Сүхбаатар аймгийн Барилгын байгууллагын 60 жилийн түүхт ойн баярын өдөр “Туулай цагтан” өглөөний алхалтын багийн эрхэм нөхөр Дугарын Намжил маань Монгол Улсын Гавьяат барилгачин цолоор шагнууллаа.
🖌️Ахмад сэтгүүлч Г.Сүхээ “Д.Намжил маань Дорнод аймгийн БТМ-ийн сургуулийн сантехникийн ангийг 1966 онд төгсөөд, тэр жил Сүхбаатар аймагт байгуулагдсан Барилга Угсралтын Конторт сантехникчээр ажил хөдөлмөрийн гараагаа эхэлж, улмаар барилгын даамлаар нэгэн жарны турш ажилласан байна.
Энэ хугацаанд Баруун-Урт хотод Спортын ордон, аймгийн Татварын хэлтсийн контор, 36, 27, 27в, 48 айлын орон сууц, Хаан банкны 8 айлын орон сууц, Сүхбаатар суманд 20 ортой зочид буудал, Наран суманд 160 хүүхдийн сургууль, уурын зуух, хүн эмнэлэг, Халзан суманд 160 хүүхдийн сургууль, Уулбаян суманд 640 хүүхдийн сургууль, Түмэнцогт суманд дизель станцын контор, дизелийн байр, механикжуулагчдын орон сууц, 200 үхрийн мал бордох цогцолборын иж бүрэн барилга, Онгон, Асгат, Эрдэнэцагаан суманд 75 хүүхдийн цэцэрлэг, хүн эмнэлэг, хүүхдийн дотуур байр зэрэг үйлдвэр, соёл үйлчилгээний олон арван барилга байгууламж барьжээ” хэмээн онцлон бичжээ.
