@Цагаандэлгэр сумын Засаг Даргын Тамгын Газар
Дундговь аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс хэрэгжүүлж буй “Авто ослоос айл бүр сэрэмжилье” нөлөөллийн аяны хүрээнд Цагаандэлгэр суманд зам, тээврийн ослоос урьдчилан сэргийлэх нөлөөллийн ажил зохион байгууллаа.
Энэ хүрээнд 9 дүгээр сарын 15-ны өдөр замын хөдөлгөөний аюулгүй байдлыг хангах, иргэдийн зөв дадал, хариуцлагыг нэмэгдүүлэх зорилгоор сэрэмжлүүлэг, зөвлөмж бүхий мэдээллийн материалыг айл өрх, албан байгууллагуудад хүргүүлсэн байна.
Мөн иргэдэд замын хөдөлгөөний дүрмийг мөрдөх, хурд хэтрүүлэхгүй байх, хамгаалах бүс хэрэглэх, согтуугаар жолоо барихгүй байх, хүүхдийн аюулгүй байдлыг хангах талаар зөвлөмж, сэрэмжлүүлэг өгчээ.
