@Дундговь аймгийн ЗДТГ-ын Цэргийн штаб

Орон нутгийн хамгаалалтын бэлэн байдлыг хангах, томилгоот нэгжийн бүрэлдэхүүний мэдлэг, ур чадварыг дээшлүүлэх, үүрэг гүйцэтгэх бэлтгэл, зохион байгуулалтыг сайжруулах зорилгоор Адаацаг суманд орон нутгийн хамгаалалтын томилгоот нэгжийн хээрийн дадлага, сургалт боллоо.

Сургалтад орон нутгийн хамгаалалтын томилгоот нэгжийн бүрэлдэхүүн оролцож, гамшиг, онцгой нөхцөл байдал болон үүссэн нөхцөлд хүлээсэн үүргийнхээ дагуу ажиллах, удирдлага зохион байгуулалт, харилцан ажиллагаа, бэлэн байдлыг хангах чиглэлээр дадлага сургуулилалт хийв.

Хээрийн дадлага, сургалтын үеэр нэгжийн бүрэлдэхүүний үүрэг, хариуцлагыг тодорхой болгох, командлалын удирдлага дор зохион байгуулалттай ажиллах, орон нутгийн байгууллага болон холбогдох алба, нэгжүүдтэй харилцан ажиллагааг уялдуулахад анхаарч ажилласан байна.

Мөн сургалтын явцад бүрэлдэхүүний сахилга, зохион байгуулалт, бие бялдрын болон сэтгэл зүйн бэлтгэл, хээрийн нөхцөлд үүрэг гүйцэтгэх чадварыг дээшлүүлэх практик дадлагуудыг хийж, сургалтын үр дүнг дүгнэн цаашид анхаарах асуудлуудыг тодорхойлов.