Монгол Улсын Их Хурлын шийдвэрээр жил бүрийн 09 дүгээр сарын 10-ны өдрийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” болгон тэмдэглэдэг. Энэ өдөр улс төрийн хилс хэрэгт хэлмэгдэн хохирсон иргэдийнхээ гэгээн дурсгалыг хүндэтгэн, түүхэн үнэнийг эргэн санаж, хойч үедээ таниулдаг билээ.
📌 Баян-Овоо сумын хэмжээнд улс төрийн хилс хэрэгт шийтгүүлж, хэлмэгдэн хохирсон 2 иргэний үр хүүхэд, төрөл төрөгсөд амьдардаг.
Тэдний дурсгалыг хүндэтгэх, үр хүүхдүүдэд хүндэтгэл үзүүлэх ажлыг жил бүр зохион байгуулан ажиллаж байна.
📚 Сумын Ерөнхий боловсролын сургуулийн Нийгмийн ажилтан, Түүх, нийгмийн ухааны багш нартай хамтран сурагчдад түүхэн мэдлэг олгох, эх оронч үзэл төлөвшүүлэх, өвөг дээдсийнхээ түүхийг танин мэдэж, хүндэтгэх хандлагыг төлөвшүүлэх зорилгоор Нээлттэй хичээл сургалт, “Их хэлмэгдүүлэлт”, “Хэлмэгдүүлэлт ба цагаатгал” зэрэг сэдвүүдээр ханын сонин, постер хийж танилцуулах зэрэг үйл ажиллагааг зохион байгууллаа.
🕊️ Түүхээ мартахгүй байх, хэлмэгдэгсдийнхээ гэгээн дурсгалыг хүндэтгэх, өнгөрсөн үеийн сургамжийг хойч үедээ өвлүүлэн үлдээх нь бидний эрхэм үүрэг билээ.
Хэлмэгдэгсдийн гэгээн дурсгал мөнхөд оршиг.
