“ИТГЭЛТЭЙ УТАС” төсөл манай аймагт 2023 оны хавар Хүмүүн цогцолбор бага сургуульд байршуулснаар эхэлж байсан бол одоо 24 сумын ЕБС-д байршиж хэрэглээнд нэвтэрчээ.
Харин гадна талбайд байршуулсан анхны Итгэлтэй утас манай аймагт ийнхүү нээгдэж байгаа юм. Тус утасны урсгал зардлыг аймгийн ИТХ-ын Гэмт хэргээс урьдчилан сэргийлэх ажлыг зохицуулах зөвлөлөөс хариуцна. Энэхүү утасны зорилго нь аливаа эрсдэл, гэмт хэргээс урьдчилан сэргийлэх зорилгоор байршиж байгаа ба нэг удаагийн залгалтаар 2 минут ярих эрхтэй.
Аймгийн ЕБС-иуд дээр байршуулсан итгэлтэй утсаар 2026 оны эхний хагас жилд 55300 хүүхэд үйлчлүүлжээ.
