Дундговь аймгийн Дэлгэрцогт сумын уугуул, ШУА-ийн академич Содовсүрэнгийн Нарангэрэл 2027 онд тохиох Монголын нэрт эрдэмтэн, номч лам, буддын гүн ухааны томоохон төлөөлөгч Зава Дамдингийн мэндэлсний 160 жилийн ойг угтан өөрийн тарьж ургуулсан шар хуайсны 160 суулгацыг өнөөдөр Дэлгэрцогт сумын нутагт орших Чойрын хийдэд тарилаа.

Мөн Зава Дамдингийн 160 жилийн ойд зориулан түүний амьдрал, түүх, бүтээл туурвилыг олон нийтэд таниулан сурталчлах, өв соёлыг нь хойч үед өвлүүлэн үлдээх чиглэлээр зохион байгуулах арга хэмжээний талаар ШУА-ийн академич С.Нарангэрэл, Дундговь аймгийн Засаг дарга С.Мөнхчулуун, аймгийн ИТХ-ын дарга Ж.Мөнхчулуун, Зава Дамдин Ринбүчи буюу Д.Осгонбаяр лам нар санал солилцлоо