✅Нийслэлийн ерөнхий боловсролын 117 дугаар сургууль түүхий нүүрсэн халаалтаас татгалзаж, 2026 оны нэгдүгээр сард газан халаалтын системд бүрэн шилжжээ.
✅Тус сургуулийн удирдлагын мэдээлснээр нүүрсэн халаалтын үед анги танхимыг жигд халаах боломж хязгаарлагдмал, сурагч, багш нарын гар бээрэх, зарим үед гадуур хувцастайгаа хичээллэх нөхцөл үүсдэг, утаа тортог ихтэйгээс орчны агаарын бохирдолд сөргөөр нөлөөлж байсан аж. Харин газан халаалтын системд шилжсэнээр анги танхимын дулаан жигдэрч, сурагч, багш нарын ажиллаж, суралцах орчин сайжирсан байна.
✅“Газ Ком” ХХК нь Япон технологид суурилан нэвтрүүлсэн бөгөөд бүрэн автомат ажиллагаатай, аюулгүй байдлыг дээд зэргээр хангасан шийдэл юм. Одоогоор нийслэлийн хэмжээнд 15 сургууль, цэцэрлэгт уг системийг суурилуулсан байна.
✅Багануур дүүргийн хувьд 288, 132 дугаар цэцэрлэг болон Оюуны-Эрин сургуулийн хичээлийн 2-р байрыг газан халаалтад шилжүүлэх боломжийг судалж байгаа бөгөөд дэд бүтэц, гадна дулаан алдагдлын асуудлыг шийдвэрлэсний дараа системийг нэвтрүүлснээр түлшний зардлыг бууруулах, агаарын бохирдлыг багасгах, яндангийн тоог цөөрүүлэх зэрэг олон талын ач холбогдолтой юм.
