БНХАУ-ын ӨМӨЗО-ны Ардын засгийн газрын дэмжлэгээр Хөх хот дахь Олон улсын монгол анагаах ухааны эмнэлгийн сургалт, солилцооны хөтөлбөрт хамрагдах эмч, сувилагчидтай хийх уулзалт боллоо. Энэ үеэр дүүргийн Засаг дарга М.Алтангэрэл, хөтөлбөрт хамрагдах эмч, сувилагчдыг эх орондоо нутагшуулж болох эмчилгээний арга барил, орчин үеийн техник, тоног төхөөрөмжийн талаарх мэдлэгээ зузаатган суралцаж, туршлага хуримтлуулан дүүргийн Эрүүл мэндийн төв болон Өрхийн эрүүл мэндийн төвүүдийн иргэдэд үзүүлэх үйлчилгээг сайжруулах талаар үүрэг өглөө.