Дурсгалын нэр: З.Цэндээхүүгийн бичсэн ханын сонин – гар бичмэл

Бүтээлч: Жүжигчин З.Цэндээхүү

Холбогдох он цаг: 1947 он

Хадгалагдаж буй газар: Монголын Театрын музей

Дурсгалын шинж байдал: Цаас, харандаа.

Сэлэнгэ аймгийн Орхонтуул сумын клубт З.Цэндээхүү ажиллаж байхдаа бичсэн ханын сонин. Бичвэрийн утга нь ажилчин, ард түмэн өвлийн тэсгэм хүйтэнд бэлтгэх талаар уриалан дуудсан утгатай монголын анхны кирилл, монгол үсгээр бичсэн ханын сонины уриа бичвэрүүдийн нэг юм.

Зундуйн Цэндээхүү 1905 онд өнөөгийн Төв аймгийн Алтанбулаг суманд төрсөн. “Говийн хүүхэн Гүндэгмаа” жүжгийн бэр гуйгчаас эхлээд “Харанхуй засаг”, “Халхын баатар”, “Шинэ зам”, “Өөрийн замаар”, “Хонины булаг”, “Байцаагч түшмэл”, “Кремлийн цаг”, “Отелло” зэрэг үндэсний болон сонгодог жүжиг, “Гонгор баатар” киноны сумангийн даргаас эхлээд “Цогт тайж”, “Сэрэлт”, “Ардын элч”, “Өглөө”, “Тэмцэл” зэрэг кинонд тоглож үзэгчдийн сэтгэлд шингэсэн дүрүүд бүтээсэн байна. УАДБЧ, Баян-Өлгий, Дорнод аймгийн театрыг байгуулах, урын санг нь баяжуулах, залуу жүжигчдийг ажил мэргэжилд нь сургаж дадлагажуулахад ихээхэн хувь нэмэр оруулсан байна.

Тэрээр 1945 онд БНМАУ-ын Гавьяат жүжигчин, 1955 онд Ардын жүжигчин цол хүртжээ