СЭРЭМЖЛҮҮЛЭГ
Сүүлийн өдрүүдэд цахим орчинд төрийн цахим үйлчилгээний нэгдсэн портал (E-MONGOLIA) системийн нэр, лого, дүр төрхийг ашиглан иргэдийг төөрөгдүүлэх зорилготой хуурамч зар, холбоосууд түгээгдээд байна.
Тухайлбал, “1-2 минутын дотор нэг удаагийн санхүүгийн дэмжлэг авах боломжтой” гэх зэрэг амлалт бүхий зар сурталчилгаа нь албан ёсны мэдээлэл биш бөгөөд иргэдийн хувийн болон банкны мэдээллийг зөвшөөрөлгүйгээр авах зорилготой луйвар байж болзошгүй байна.
Иймд иргэн та хохирохгүйн тулд:
Үл таних, эргэлзээтэй холбоос (линк) дээр дарахгүй байх
Регистрийн дугаар, банкны картын мэдээлэл, нэг удаагийн баталгаажуулах код (OTP), нууц үгээ хэн нэгэнд өгөхгүй байх
Төрийн үйлчилгээтэй холбоотой мэдээллийг зөвхөн албан ёсны вэб сайт, аппликейшн болон баталгаажсан сувгаас шалгаж байх
Сэжигтэй зар, холбоос илэрвэл холбогдох байгууллагад мэдээлж байхыг сэрэмжлүүлж байна.
Хуурамч мэдээлэл, цахим залилангаас урьдчилан сэргийлж, хувийн мэдээллийн аюулгүй байдлаа хамгаална уу!
