2026 оны эхний 4 сарын байдлаар 1045 хүний шилжилт хөдөлгөөн (шилжин ирэх) хийгдсэн нь өмнөх оны мөн үеэс 503 (32.5%) хүнээр буурсан үзүүлэлттэй байна.
Нийт шилжилт хөдөлгөөнд оролцогчдын 576 (55.1%) нь бусад аймаг, хотоос шилжиж ирсэн нь өмнөх оны мөн үеэс 160 (21.7%) хүнээр буурсан байна. Бусад аймаг, хотоос шилжин ирэгсдийн 288 (50.0%) нь эрэгтэйчүүд, 288 (50.0%) нь эмэгтэйчүүд байна. 2026 оны 4 дүгээр сард бүртгэлтэй ажилгүй иргэдийн тоо 186 болсон нь өмнөх оны мөн үетэй харьцуулахад 47 (20.2%) хүнээр буурсан байна. Нийт бүртгэлтэй ажилгүй иргэдийн 80 (43.0%) нь эрэгтэйчүүд, 106 (57.0%) нь эмэгтэйчүүд байна. Бүртгэлтэй ажилгүй иргэдийн 113 (60.8%) нь ерөнхий боловсролтой, 42 (22.6%) нь дээд боловсролтой, 20 (10.7%) нь мэргэжилтэй ажилчид,
8 (4.3%) нь тусгай дунд боловсролтой, 3 (1.6%) боловсролгүй хүмүүс эзэлж байна.
Нийт бүртгэлтэй ажилгүй иргэдийн 67 (36.0%) нь 35-44 насныхан, 49 (26.3%) нь 45-54 насныхан, 34 (18.4%) нь 25-34 насныхан, 19 (10.2%) нь 15-24 насныхан, 14 (7.5%) нь 55-59 насныхан, 3 (1.6%) нь 60 ба түүнээс дээш насныхан байна. Шинэ ажлын байранд 116 иргэн ажилд зуучлагдсанаас 29 иргэн хөдөө аж ахуй, ан агнуур, ой аж ахуй, загас агнуурын, 25 иргэн төрийн удирдлага, батлан хамгаалахын, 13 иргэн боловсролын, 13 иргэн худалдаа, гэр ахуйн засвар үйлчилгээний, 10 иргэн барилгын, 9 иргэн уул уурхай, олборлох үйлдвэрийн, 7 иргэн боловсруулах үйлдвэрийн, 3 иргэн урлаг, үзвэр, үйлчилгээний, 3 иргэн цахилгаан, дулаан, усан хангамжийн, 1 иргэн зочид буудал, зоогийн газрын, 1 иргэн мэргэжлийн, шинжлэх ухаан болон техникийн, 1 иргэн санхүүгийн, 1 иргэн эрүүл мэнд, нийгмийн халамжийн салбарт тус тус ажилд орсон байна. 2026 оны эхний 4 сарын байдлаар нийт 288 эх амаржиж, 289 хүүхэд төрүүлсэн нь өмнөх оны мөн үеэс амаржсан эх 66 (18.6%)-аар, төрсөн хүүхэд 70 (19.5%)-аар тус тус буурсан байна. Төрөлтийг насны бүтцээр нь харахад 30-34 насны 89 (30.9%), 25-29 насны 72 (25.0%), 20-24 насны 54 (18.8%), 35-39 насны 46 (15.9%), 40-44 насны 17 (5.9%), 20 хүртэлх насны 10 (3.5%) эх тус тус эзэлж байна. Төрсөн хүүхдийн 152 (52.6%) нь эрэгтэй, 137 (47.4%) нь эмэгтэй хүүхэд байна.
2026 оны эхний 4 сарын байдлаар 0-1 хүртэлх насны хүүхдийн эндэгдэл 2 гарч, 1-5 хүртэлх насны эндэгдэл гараагүй байна. Өмнөх оны мөн үетэй харьцуулахад 0-1 хүртэлх насны эндэгдэл 3 (60.0%)-аар буурсан байна.
Нас барсан хүний тоо 203 байна. Нас барагсдын 124 (61.1%) нь эрэгтэйчүүд, 79 (38.9%) нь эмэгтэйчүүд байна. Нийт нас баралтыг шалтгаанаар авч үзвэл 59 (29.1%) нь зүрх судасны тогтолцооны өвчин, 55 (27.0%) нь осол гэмтэл, 46 (22.7%) нь хорт хавдар, 15 (7.4%) нь хоол боловсруулах тогтолцооны, 15 (7.4%) нь амьсгалын тогтолцооны 13 (6.4%) нь бусад өвчин эзэлж байна. Халдварт өвчнөөр 213 хүн өвчилж бүртгэгдсэн нь өмнөх оны мөн үеэс 38 (21.7%) тохиолдлоор өссөн байна. Халдварт өвчнөөр өвчлөгчдийг өвчний төрлөөр авч үзвэл 89 (41.8%) хүн бэлгийн замын халдварт өвчин, 47 (22.1%) хүн сүрьеэ өвчин, 16 (7.5%) хүн салхин цэцэг өвчин, 7 (3.3%) хүн цусан суулга, 54 (25.3%) хүн бусад халдварт өвчин, харин гепатит халдварт өвчин бүртгэгдээгүй байна. Хүйсээр авч үзвэл халдварт өвчнөөр 213 хүн өвчилсний 105 (49.3%), бэлгийн замын халдварт өвчний 52 (58.4%), сүрьеэ өвчний 14 (29.8%), салхин цэцэг өвчний 8 (50.0%), цусан суулга 3 (42.9%), бусад халдварт өвчний 28 (51.9%) нь эмэгтэйчүүд өвчилсөн байна.
Сэлэнгэ аймгийн хэмжээнд аймгийн нэгдсэн эмнэлэгт 54 хүн эрэгтэйчүүдийн кабинетаар үйлчлүүлсэн байна. Энэхүү үзүүлэлт нь өнгөрсөн оны мөн үетэй харьцуулахад 179 (76.8%) хүнээр буурсан байна.
Хувийн хэвшлийн эрүүл мэндийн байгууллагууд 7.7 мянган хүнд үйлчилж, үйлчилгээний хөлс 7019.4 сая төгрөг болжээ. 2026 оны эхний 4 сарын байдлаар нийгмийн даатгалын сангийн орлогод 36295.7 сая төгрөг төвлөрүүлснээр, орлогын төлөвлөгөө 110.5 хувиар биелсэн байна. Тэтгэвэр, ажилгүйдэл, тэтгэмж, үйлдвэрийн осол, мэргэжлээс шалтгаалах өвчний сангийн орлогын төлөвлөгөө 8.8-22.2 хувиар биелжээ.
Нийгмийн даатгалын сангийн орлого 36295.7 сая төгрөг, зарлага 93394.3 сая төгрөг болсон нь өмнөх оны мөн үеэс орлого 981.3 (2.6%) сая төгрөгөөр буурч, зарлага 8781.6 (10.4%) сая төгрөгөөр өссөн байна.
Тэтгэврийн даатгалын сангаас 20287 тэтгэвэр авагчдад 72556.8 сая төгрөгийг олгосон нь өмнөх оны мөн үеэс тэтгэвэр авагчид 542 (2.6%) хүнээр буурч, олгосон тэтгэврийн хэмжээ 8093.7 (12.6%) сая төгрөгөөр өссөн байна.
Тэтгэмжийн даатгалын сангаас 925 хүнд 2942.5 сая төгрөгийг хөдөлмөрийн чадвараа түр алдсан, жирэмсэн амаржсан, оршуулгын тэтгэмжид, үйлдвэрийн осол мэргэжлээс шалтгаалах өвчин, даатгалын сангаас үйлдвэрлэлийн ослын тэтгэвэр, хөдөлмөрийн чадвараа түр алдсаны тэтгэмж, нөхөн төлбөр, сувиллын зардалд 164 хүнд 623.7 сая төгрөг, ажилгүйдлийн даатгалын сангаас 1357 хүнд 2290.4 сая төгрөгийг ажилгүйдлийн тэтгэмжид тус тус олгожээ.
Энэ сард 100 хүн шинээр тэтгэвэр тогтоолгосноос 69 (69.0%) хүн өндөр насны, 28 (28.0%) хүн хөгжлийн бэрхшээлтэй, 3 (3.0%) хүн тэжээгчээ алдагчийн тэтгэвэр тус тус тогтоолгожээ. Даатгуулагчдын тоо 22.9 мянган хүн байгаа нь өмнөх оны мөн үеэс 0.7 (3.2%) мянган хүнээр өссөн байна. Нийгмийн халамжийн сангаас 67854 хүнд 27447.4 сая төгрөгийн халамжийн тэтгэвэр, тэтгэмжийг олгосон нь өмнөх оны мөн үеэс нийгмийн халамжийн тэтгэвэр, тэтгэмж авагчид 470 (0.7%) хүнээр, олгосон тэтгэвэр тэтгэмжийн хэмжээ 1300.3 (5.0%) сая төгрөгөөр тус тус өссөн байна. Цагдаагийн газрын мэдээгээр 2026 оны эхний 4 сарын байдлаар нийт 434 гэмт хэрэг бүртгэгдсэн нь өмнөх оны мөн үеэс 92 (26.9%)-оор өссөн байна. Нийт гэмт хэргийн 118 (27.2%) нь согтуугаар үйлдэгдсэн байна. Иргэн болон байгууллагад нийт 3139.3 сая төгрөгийн хохирол учирсан нь өмнөх оны мөн үеэс 1425.8 (83.2%) сая төгрөгөөр их байна. Учирсан хохирлоос 1394.8 сая төгрөгийг нөхөн төлүүлж, нөхөн төлөлт 44.4% хувьтай байна. Бүртгэгдсэн гэмт хэргийн 146 (33.7%) нь өмчлөх эрхийн эсрэг гэмт хэрэг, 116 (26.7%) нь хүний амь бие,
эрүүл мэндийн эсрэг гэмт хэрэг, 67 (15.4%) нь байгаль хамгаалах журмын эсрэг гэмт хэрэг, 61 (14.1%) нь тээврийн хэрэгслийн хөдөлгөөний аюулгүй байдлын эсрэг гэмт хэрэг, 44 (10.1%) нь бусад төрлийн гэмт хэрэг эзэлж байна.
Өмчлөх эрхийн эсрэг гэмт хэргийн 16 (10.9%) нь малын хулгай байна. 2026 оны эхний 4 сарын байдлаар 37 хүн эрүүлжүүлэгдсэн нь өмнөх оны мөн үетэй харьцуулахад 12 (24.5%) хүнээр буурсан байна. Гэмт хэргийн улмаас 100 хүн гэмтэж, 15 хүн нас барсан байна. Мөн гэр бүлийн хүчирхийллийн улмаас 16 хүн хохирсон байна. Өнгөрсөн оны мөн үетэй харьцуулахад гэмтсэн хүний тоо 10 (11.1%)-аар, гэмт хэргийн улмаас нас барсан хүний тоо 6 (66.7%)-аар тус тус өсөж, гэр бүлийн хүчирхийллийн улмаас хохирсон хүний 2 (11.1%)-оор буурчээ. 2026 оны эхний 4 сарын байдлаар Монгол банкны мэдээгээр зээлийн үлдэгдэл 755713.1 сая төгрөг байгаа ба үүний 2.0 хувийг чанаргүй зээл эзэлж байна. Зээлийн үлдэгдлийг өмнөх оны мөн үетэй харьцуулахад 105902.6 (16.3%) сая төгрөгөөр өссөн байна. Нийт харилцахын үлдэгдэл 120749.6 сая төгрөг, мөнгөн хадгаламж 249234.7 сая төгрөг байгаа нь өмнөх оны мөн үеэс Нийт харилцахын үлдэгдэл 25083.1 (26.2%) сая төгрөгөөр, мөнгөн хадгаламж 27743.4 (12.5%) сая төгрөгөөр тус тус өссөн байна. Банкны салбар нэгжид нийт харилцах данс эзэмшигчийн тоо (дансны тоогоор) 236244, хадгаламж эзэмшигчийн тоо (дансны тоогоор) 92214, зээлдэгчийн тоо 64020 (дансны тоогоор) байгаа нь өмнөх оны мөн үеэс хадгаламж эзэмшигчийн тоо (дансны тоогоор) 2850 (3.2%)-иар, харилцах данс эзэмшигчийн тоо (дансны тоогоор) 31515 (15.4%) -аар тус тус өсөж, харин зээлдэгчийн тоо (дансны тоогоор) 2048 (3.1%)-аар буурсан байна. Аймгийн хэмжээнд банкны нийт 62 салбар нэгжид 368 ажилтан ажиллаж байна.
