🟣Банкны төлбөр барагдуулах газраас 2026-2027 оны хичээлийн шинэ жилийг угтан хүүхдийн тэтгэлгийн төлбөрийг шуурхай барагдуулах, тэтгэлгийн төлөлтийг нэмэгдүүлэх, хүүхдийн эрх, хууль ёсны ашиг сонирхлыг хамгаалах зорилгоор нөлөөллийн болон шийдвэр гүйцэтгэх ажиллагааг эрчимжүүлэн ажиллав.

📈2026 оны 8 дугаар сарын 03-ны өдрөөс хойш хүүхдийн тэтгэлгийн төлбөрт нийт 2,642,038,856 /хоёр тэрбум зургаан зуун дөчин хоёр сая/ төгрөгийг 2,950 удаагийн гүйлгээгээр тэтгэлэг авагч иргэдэд шилжүүлэн олгож, хүүхдийн тэтгэлгийг цаг хугацаанд нь хүргэх, хүүхдийн эрхийг хамгаалах чиглэлээр тодорхой үр дүнд хүрч ажиллалаа.

🛃Түүнчлэн хүүхдийн тэтгэлгийг тогтоосон хугацаанд төлөөгүй, төлөхөөс зайлсхийсэн, оршин суугаа хаягаа өөрчилсөн 10 тэтгэлэг төлөгчийг олж, хаягийг нь тогтоон, холбогдох шийдвэр гүйцэтгэх ажиллагааг үргэлжлүүлж байна.

✅️Үүний хүрээнд 2026 оны 8 дугаар сард 9 тэтгэлэг төлөгчид холбогдох зөрчил шалган шийдвэрлэх ажиллагаа явуулж, хэргийг шүүхээр шийдвэрлүүлснээс:

✔️🔒6️⃣ тэтгэлэг төлөгчид 7-30 хоногийн хугацаагаар баривчлах шийтгэл;

✔️🛂3️⃣ тэтгэлэг төлөгчид 100,000 төгрөгийн торгох шийтгэл тус тус ногдуулсан байна.

💵Мөн дээрх ажиллагааны явцад тэтгэлэг төлөгчдөөс өмнө төлөгдөөгүй байсан хүүхдийн тэтгэлгийн 3,300,000 төгрөгийн хуримтлагдсан төлбөрийг нөхөн төлүүлсэн.

🟣Банкны төлбөр барагдуулах газраас цаашид хүүхдийн тэтгэлгийн төлөлтийг шуурхай, тасралтгүй болгох, тэтгэлэг төлөгчийн хуульд заасан үүргээ биелүүлдэг болоход нөлөөлөх, төлбөр төлөхөөс зайлсхийсэн этгээдэд хуульд заасан хариуцлага хүлээлгэх замаар хүүхдийн эрх, хууль ёсны ашиг сонирхлыг хамгаалж, шийдвэр гүйцэтгэх ажиллагааг эрчимжүүлэн ажиллах болно.