Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жилийн ой болон “Монгол Улсын Төрийн далбааны өдөр”-т зориулсан цэргийн ёслолын жагсаалд төрийн цэргийн болон хууль сахиулах байгууллагын 8500 гаруй алба хаагч оролцлоо.
Тус ёслолын жагсаалд Цэргийн болон Хөдөлмөрийн гавьяаны улаан тугийн одонт Шүүхийн шийдвэр гүйцэтгэх байгууллагын 112 алба хаагч оролцсон бөгөөд жагсаалыг Шүүхийн шийдвэр гүйцэтгэх ерөнхий газрын Захиргааны удирдлагын газрын дарга, доктор (Ph.D), дэд профессор, хурандаа Б.Нямгомбо командлан алхлаа.
Ротын захирагчаар: Санхүү, үйлдвэр, хөрөнгө оруулалтын газрын Үйлдвэр, аж ахуй барилгын хэлтсийн инженер, дэслэгч А.Бат-Оргил;
Салаан захирагчаар: 409 дүгээр нээлттэй, хаалттай хорих ангийн ерөнхий жижүүр, дэслэгч С.Буманбаяр, Дархан-Уул аймаг дахь Шүүхийн шийдвэр гүйцэтгэх газар-445 дугаар нээлттэй хорих ангийн ерөнхий жижүүр, дэслэгч П.Лхагвадорж;
“Байлдааны туг”-ийн чиглүүлэгчээр: Дархан-Уул аймаг дахь Шүүхийн шийдвэр гүйцэтгэх газар-445 нээлттэй хорих ангийн төлөөлөгч, ахмад М.Бархасбадь;
Тугчнаар: Хорих ял эдлүүлэх албаны Шуурхай удирдлагын хяналтын төвийн ерөнхий зохицуулагч, ахлах дэслэгч Б.Бат-Энх;
Туг хамгаалагчаар: Шүүхийн шийдвэр гүйцэтгэх газар ерөнхий газрын Захиргааны удирдлагын газрын Соён гэгээрүүлэх хэлтсийн мэргэжилтэн, дэслэгч Б.Одхүү, Хорих ял эдлүүлэх албаны Соён гэгээрүүлэх хэлтсийн чиглэл хариуцсан ажилтан, ахлах дэслэгч Б.Насандэлгэр нар алхлаа.
Монголчууд түүхт ёс, түүхэн уламжлалаа нандигнан өвлөх, үндэсний эв нэгдлийг бэхжүүлэх зорилгоор 2009 оноос эхлэн жил бүрийн 07 дугаар сарын 10-ны өдрийг "Төрийн далбааны өдөр" болгон хуульчилж, Төрийн далбаагаа мандуулдаг болсон. Улмаар 2010 оноос эхлэн цэргийн хүндэтгэлийн жагсаал зохион байгуулж, Төрийн далбаандаа хүндэтгэл үзүүлдэг уламжлал тогтсон билээ.
