Монгол Улсын нийслэл Улаанбаатар хотноо НҮБ-ын Цөлжилттэй тэмцэх конвенцын Талуудын 17 дугаар бага хурал албан ёсоор нээлтээ хийлээ.

📌8 дугаар сарын 17-28-ны өдрүүдэд үргэлжлэх тус хуралд олон улсын төр, засгийн тэргүүн, эрдэм шинжилгээ, судалгааны байгууллага, иргэний нийгэм, залуучуудын төлөөлөл оролцож, цөлжилт, газрын доройтол, ган, уур амьсгалын өөрчлөлтийн эсрэг хэрэгжүүлэх бодлого, шинжлэх ухаан, технологи, санхүүжилт, хамтын ажиллагааны шийдлүүдийг хэлэлцэнэ.

📌Энэ хүрээнд маргааш буюу 8 дугаар сарын 18-ны өдөр Монгол Улсын өргөөнд /Цэнхэр бүс/ “Ногоон хиймэл оюун, шинжлэх ухаан ба дижитал шилжилт” арга хэмжээг зохион байгуулж, хиймэл оюун, шинжлэх ухаан, технологийн шийдлийг байгаль орчны асуудлыг шийдвэрлэхэд хэрхэн оновчтой ашиглах талаар олон улсын оролцогчидтой мэдлэг, туршлага солилцоно.

🚀 Мөн технологи, инновацын стартапууд өөрсдийн бүтээгдэхүүн, төсөл, технологийн шийдлээ танилцуулж, олон улсын байгууллага, судлаач, бизнес эрхлэгч, хөрөнгө оруулагчидтай хамтын ажиллагааны боломжийг эрэлхийлэх юм.

Эдгээр ажлын хүрээнд технологи, инновацыг байгаль орчны бодлоготой уялдуулах нь “ногоон шилжилт”-ийг хурдасгахын зэрэгцээ цөлжилт, газрын доройтлыг бууруулахад тодорхой хэмжээнд нөлөөлнө гэж үзэж байна.