Монгол адууны өв соёл, адуучны эрдэм ухаан, ур чадварыг хойч үед өвлүүлэн дэлгэрүүлэх, сурталчлан таниулах зорилгоор Дундговь аймгийн 13 сумын 40 гаруй адуучин залуусын дунд “Аймгийн аварга адуучин шалгаруулах тэмцээн – 2026” зохион байгуулагдлаа.
Тус тэмцээнээр адуучин залуус эр зориг, хурд хүч, авхаалж самбаа, адуу маллах уламжлалт арга ухаан, ур чадвараа сорин өрсөлдөж, Монгол адууны өв соёлоо дээдлэн түгээн дэлгэрүүллээ.
Тэмцээний дүнгээр:
Тэргүүн байр:
Баянжаргалан сумын харьяат, сумын аварга адуучин Энхжаргалын Гүрэнбаатар
Дэд байр:
Сайнцагаан сумын харьяат, аймгийн баруун бүсийн аварга, сумын хошой аварга адуучин Батбилэгийн Түвшинбаяр
Гутгаар байр:
Адаацаг сумын харьяат, аймгийн зүүн бүсийн аварга, “Нүүдэлчин” фестивалийн 5 дугаар байрны шагналт, сумын аваргын хошой хүрэл медальт Шагдарсүрэнгийн Цэрэнбат
Дөрөвдүгээр байр:
Эрдэнэдалай сумын харьяат, сумын аварга адуучин Эрдэнэбаярын Ууганбаяр
Тавдугаар байр:
Сайнцагаан сумын харьяат, улсын өсвөрийн аваргын 4 дүгээр байрны шагналт Жамбалдоржийн Баярсайхан нар шалгарлаа.
Монгол адууны өв соёл, адуучны эрдэм ухаан, эр зориг, хурд хүч, авхаалж самбааг өвлүүлэн дэлгэрүүлж, үндэсний уламжлалаа хадгалан хамгаалж буй нийт адуучин залуусдаа баяр хүргэе.
ДУНДГОВИЙН АДУУЧИД — ӨВ СОЁЛЫНХОО ЭЗЭД!
