НҮБ-ын Цөлжилттэй тэмцэх конвенцын Талуудын 17 дугаар бага хурал (COP17) 2026 оны 8 дугаар сарын 17–28-ны өдрүүдэд Улаанбаатар хотноо зохион байгуулагдаж байна.

COP17-ын хүрээнд албан ёсны хэлэлцүүлэг, уулзалт, олон талт арга хэмжээнүүд Цэнхэр бүсэд, харин байгаль орчин, уур амьсгалын өөрчлөлт, газрын доройтол, цөлжилттэй тэмцэх чиглэлээр олон нийтэд зориулсан соён гэгээрүүлэх, туршлага солилцох арга хэмжээнүүд Ногоон бүсэд зохион байгуулагдана.

Цэнхэр бүс:

Цэнхэр бүсэд албан ёсны хэлэлцүүлэг, уулзалт, хамтын ажиллагааны арга хэмжээнүүдээс гадна улс орнууд санаачилга, шилдэг туршлагаа танилцуулж, харилцан туршлага солилцох боломж бүрдэх юм.

Цэнхэр бүсэд дараах сэдэвчилсэн өдрүүдийг зохион байгуулахаар төлөвлөжээ. Үүнд:

8 дугаар сарын 20–21 – Хотын өдрүүд, Хотын дарга нарын форум

8 дугаар сарын 24 – Санхүүжилтийн өдөр

8 дугаар сарын 25 – Усны өдөр

8 дугаар сарын 26 – Газар ба хүн төвт өдөр

8 дугаар сарын 27 – Хүнсний тогтолцоо ба эрүүл хүнсний өдөр

Ногоон бүс:

Ногоон бүсэд Монголын өв соёл, нүүдлийн иргэншил, тогтвортой хөгжлийн санаачилгыг олон улсад танилцуулах соёлын хөтөлбөрүүдээс гадна байгаль орчин, газрын доройтол, уур амьсгалын өөрчлөлтийн асуудлаар төр, хувийн хэвшил, иргэний нийгэм, олон талын оролцогчдын хамтын ажиллагааг дэмжих арга хэмжээ зохион байгуулагдана.

Ногоон бүсэд дараах сэдэвчилсэн өдрүүдийг зохион байгуулна. Үүнд:

8 дугаар сарын 19 – Хүн төв өдөр

8 дугаар сарын 20 – Бизнесийн өдөр

8 дугаар сарын 23 – Тогтвортой ногоон даатгалын өдөр

8 дугаар сарын 23 – Тэсвэртэй байдлын өдөр

8 дугаар сарын 24 – Санхүүжилтийн өдөр

8 дугаар сарын 25 – Усны өдөр

8 дугаар сарын 26 – Газрын өдөр

8 дугаар сарын 27 – Хүнсний тогтолцоо ба эрүүл хөрсний өдөр

COP17-ын хүрээнд зохион байгуулагдах дээрх арга хэмжээнүүд нь байгаль орчны тулгамдсан асуудлаар мэдлэг, мэдээлэл, туршлага солилцох, сайн туршлагыг түгээн дэлгэрүүлэх, олон улсын болон дотоодын хамтын ажиллагааг өргөжүүлэх, байгаль орчны асуудалд олон нийтийн оролцоог нэмэгдүүлэх чухал ач холбогдолтой юм.