Өвөрхангай аймгийн Онцгой байдлын газар, Үндэсний аврах бригадын хамтарсан дулааны улирлын усны дадлага сургууль эхэлж байна.
Дадлага сургуульд тус газрын Эрэн хайх, аврах салбар, Хужирт суман дахь Эрэн хайх, аврах бүлэг болон Үндэсний аврах бригадын Эрэн хайх, аврах салбарын бүрэлдэхүүн хамрагдаж байгаа бөгөөд дадлага сургууль Уянга сумын Найман нуурын Ширээт нууранд энэ сарын 05-08-ны өдрүүдэд зохион байгуулагдана.
Энэ нь хоёр байгууллагын аврагчдын усанд шумбалтын болон усны дроны оператор бэлтгэх чиглэлийн анхны хамтарсан дадлага сургууль гэдгээрээ онцлог юм.
Онцгой байдлын газрын бүрэлдэхүүн Хөдөлмөрийн аюулгүй байдал, эрүүл ахуйн зааварчилгаатай танилцан үүрэг чиглэл авснаар хээрийн байрлал руу хөдөлгөөн үйлдлээ.
