Улсын нийт нутаг дэвсгэрийг холбоожуулах, багт үүрэн утасны сүлжээг өргөтгөх, иргэдийн мэдээлэл авах, интернет сүлжээгээр дамжуулан төрийн үйлчилгээг гэрээсээ авах, мал, өмчийн хулгай, цаг агаарын гамшиг ослоос урьдчилан сэргийлэх зэрэгт томоохон дэвшил авчирсан чухал ач холбогдол бүхий үйл ажиллагаа өчигдөр сумын Сайхан багийн Хангайн уулын өвөрт боллоо.

Улсын төсвийн хөрөнгө оруулалтаар 8 сумын 8 багт хийгдсэн Юнител компанийн хийж гүйцэтгэсэн сүлжээний ажлыг иргэд малчид хүлээн авч, үйлчилгээ авах бүрэн боломж бүрдэж байна. Сүлжээ нэвтэрсэнтэй холбоотой иргэдийн сэтгэл ханамж, сэтгэгдэл өндөр, баяртай байгаа илэрхийлж, улс, аймгийн удирдлага дэмжлэг үзүүлсэнд талархаж байлаа.