Ховд аймгийн Н.Баасанжавын нэрэмжит Бүсийн оношилгоо, эмчилгээний төв нь Тайваний Хүүхэд гэр бүлийг дэмжих сангийн Монгол дахь төлөөлөгчийн газрын санхүүжилтээр ариутгалын тасгийн хүчин чадлыг сайжруулах төслийг амжилттай хэрэгжүүлж, 15.8 сая төгрөгийн өртөг бүхий бүрэн автомат угаагч, автоклав ариутгагч, ам дарагч, ус нэрэгч зэрэг тоног төхөөрөмжийг ашиглалтад орууллаа.
Шинэ тоног төхөөрөмжүүдийг суурилуулснаар ариутгалын чанар, аюулгүй байдал сайжирч, эмнэлгийн халдвараас сэргийлэх нөхцөл бүрдэн, иргэдэд үзүүлэх эрүүл мэндийн тусламж үйлчилгээний чанар дээшлэх боломж нэмэгдэж байна.
Төслийг хэрэгжүүлэхэд дэмжлэг үзүүлсэн Тайваний Хүүхэд гэр бүлийг дэмжих сангийн Монгол дахь төлөөлөгчийн газарт талархал илэрхийлье.
#Тайваний хүүхдийн сан - TFCF Mongolia
#Ховд аймгийн эрүүл мэндийн газар
