Шүүхийн шийдвэр гүйцэтгэх ерөнхий газрын харьяа Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих анги Жендерийн үндэсний хорооноос зохион байгуулж буй Жендерийн эрх тэгш байдал, харилцан хүндэтгэлийг түгээн дэлгэрүүлэх зорилготой “Харилцан хүндэтгэе” аяны хүрээнд эмэгтэй алба хаагчид “Өөртөө хайртай эмэгтэй” чөлөөт уулзалтад оролцлоо.
Тус уулзалтыг хоол зүйч Б.Аззаяа удирдан явуулсан бөгөөд эмэгтэйчүүдэд тулгамддаг эрүүл мэндийн нийтлэг асуудал ба урьдчилан сэргийлэх ач холбогдол, өөрийгөө хайрлах, ажил амьдралын тэнцвэрийг хадгалах, эрүүл хооллолт ба амьдралын зөв хэвшлийн талаар шинжлэх ухаанд тулгуурласан мэдээлэл, зөвлөгөө өглөө.
“Харилцан хүндэтгэе” аян нь байгууллагын соёл, ажлын орчинд хүндэтгэл, ойлголцлыг бэхжүүлэх, алба хаагчдын эрүүл мэндийг дэмжих зорилготойгоор Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих ангид зохион байгуулагдаж байна.
