Зүүн Хойд Азийн Нутгийн Захиргаадын Холбоо (NEAR)-ны Дээд түвшний ажлын хэсгийн XV хурал болон Уламжлалт анагаах ухааны III дэд хорооны хурал 2026 оны 6 дугаар сарын 17–19-ний өдрүүдэд ОХУ-ын Бүгд Найрамдах Буриад Улсад зохион байгуулагдлаа.
Тус хуралд Зүүн Хойд Азийн бүс нутгийн 7 улсын 32 муж, бүс нутгийг төлөөлсөн төрийн байгууллагын төлөөлөгчид, эрдэмтэн судлаачид, эмч, мэргэжилтнүүд оролцож, уламжлалт анагаах ухааны салбарын хөгжлийн чиг хандлага, хамтын ажиллагааны өнөөгийн байдал, цаашдын хөгжлийн талаар санал солилцов.
Аймгийг төлөөлөн Аймгийн Засаг даргын орлогч Э.Энхнаран, Соёл, урлаг, аялал жуулчлал, залуучуудын газрын хэлтсийн дарга Т.Баярзул, Эрүүл мэндийн газрын Эмнэлгийн тусламж, үйлчилгээний хэлтсийн дарга Г.Нэмэхбаяр, Уламжлалт анагаах ухааны нэгдсэн эмнэлгийн дарга М.Банзаагаяа нар оролцлоо.
