Цагдаа, дотоодын цэргийн байгууллагын алба хаагчдын дунд зохион байгуулж буй “Зүүн бүсийн урлагийн наадам” энэ удаа Хэнтий аймагт амжилттай болж өндөрлөлөө.

Тус наадамд Хэнтий, Дорнод, Сүхбаатар, Төв аймгийн Цагдаагийн газрын алба хаагчид оролцож, урлагийн 7 төрлөөр авьяас чадвараа сорин өрсөлдлөө.

Сүхбаатар аймгийн Цагдаагийн газрын алба хаагчид урлагийн наадамд идэвхтэй оролцож, авьяас чадвар, уран бүтээлээрээ бусдадаа үлгэр дуурайл үзүүлэн, амжилттай оролцлоо.

Эв нэгдэл, хамтын ажиллагааг бэхжүүлж, алба хаагчдын соёлын боловсрол, авьяасыг дэмжсэн энэхүү наадам нь цагдаагийн байгууллагын хамт олны уур амьсгал, бүтээлч эрмэлзлийг нэмэгдүүлсэн чухал арга хэмжээ боллоо.