Монгол Улсад 2026 онд зохион байгуулагдах Цөлжилттэй тэмцэх тухай Нэгдсэн Үндэстний Байгууллагын Конвенцын Талуудын 17 дугаар бага хурлын хүрээнд байгальд ээлтэй, дэвшилтэт технологи, инновацыг дэмжих, сайн туршлагыг олон нийтэд түгээн дэлгэрүүлэх зорилгоор "Байгальд ээлтэй технологи нэвтрүүлж буй иргэн, аж ахуйн нэгж, байгууллагыг шалгаруулах" болзолт уралдааныг 2026 оны 4 дүгээр сарын 15-наас 6 дугаар сарын 17-ны өдрүүдэд зохион байгууллаа.
Нэгдсэн үндэстний байгууллагаас жил бүрийн 6 дугаар сарын 17-ны энэ өдрийг "Цөлжилттэй тэмцэх дэлхийн өдөр" болгон тэмдэглэдэг.
☘️Уралдааныг Нийслэлийн Байгаль орчны газар, COP17 Ногоон бүс хариуцсан дэд хороо, Цэнгэг усны нөөц, байгаль хамгаалах төв, Шинжлэх ухааны академийн Газарзүй, Геоэкологийн хүрээлэн, Ботаникийн цэцэрлэгт хүрээлэн хамтран зохион байгууллаа.
☘️Тус уралдаанд байгаль орчныг хамгаалах, уур амьсгалын өөрчлөлтийг сааруулах, цөлжилт, газрын доройтлыг бууруулах, байгальд ээлтэй технологи, инновацыг нэвтрүүлэх чиглэлээр үйл ажиллагаа явуулдаг төрийн бус байгууллага, эрдэм шинжилгээний байгууллага, их, дээд сургууль, иргэн, аж ахуйн нэгж, бизнес эрхлэгчдээс нийт 36 бүтээл ирүүлжээ.
☘️Энэхүү уралдаан нь байгальд ээлтэй технологи, сайн туршлагыг түгээн дэлгэрүүлэх, ногоон технологийн хэрэглээ болон олон нийтийн оролцоог нэмэгдүүлэхэд чиглэсэн ач холбогдолтой арга хэмжээ боллоо.
