
Г.Занабазарын нэрэмжит Дүрслэх урлагийн музейн гадаад хамтын ажиллагаа болон эрдэм шинжилгээ, судалгааны ажлын хүрээнд “Treasure Caretaking Training” олон улсын байгууллагатай хамтарсан төслийн хүрээнд “Уламжлалт болон Орчин үеийн Танка , шүтээн зургийн хадгалалт, хамгаалалт, сэргээн засварлалт" сэдэвт онол, дадлага хосолсон сургалтыг Завхан аймгийн музейтэй хамтран Улиастай хотод 2026 оны 6 дугаар сарын 14, 15-ны өдрүүдэд амжилттай зохион байгуулагдлаа.
Дадлага ажлыг Завхан аймгийн Төгс буянт Жавхлант хийд болон Завхан аймгийн музейн байнгын үзүүллэгийн танхимуудад дэглэгдсэн танка, шүтээн зураг, эд өлгийн бусад үнэт дурсгалт зүйлсийн эрсдэлийн үнэлгээг энгийн гар доорх хэрэгслээр өртөг багатайгаар хэрхэн тодорхойлох, хамгаалах аргыг онол, дадлага хослуулан зохион байгуулж Завхан аймгийн музейн удирдлага, мэргэжилтнүүд, сумдын Соёлын төвийн Музей техникийн ажилтан, Ховд аймгийн музейн удирдлага, мэргэжилтнүүд, Увс аймгийн музейн мэргэжилтнүүд хамрагдлаа.