Энэхүү зохицуулалт нь 2011 оны 03 дугаар сарын 31-ний өдрөөс хойш нас барсан, “Эрдэнэс Тавантолгой” ХК-ийн хувьцаа эзэмшиж байсан иргэдэд хамаарах бөгөөд хувьцаа, ногдол ашгийг Иргэний хуульд заасан журмын дагуу хууль ёсны өвлөгчид шилжүүлэх боломж бүрдэж байна.
Иргэний хуульд заасны дагуу хувьцаа болон түүнд хуваарилагдсан ногдол ашгийг хууль ёсны өвлөгч өвлөх бөгөөд өвлүүлэгчийг нас барах хүртэл хамт амьдарч байсан, эсхүл хуульд заасан журмын дагуу хүсэлт гаргасан этгээдийг өв хүлээн авсан гэж үзнэ.
Шилжүүлгийн үйл ажиллагааны үе шат:
1-р алхам: Мэдээлэл шалгах
Хууль ёсны өвлөгч 158989 тусгай дугаарт нас барсан иргэний регистрийн дугаарыг том үсгээр илгээн хувьцааны мэдээллээ шалгана.
2-р алхам: Шаардлагатай баримт бичиг бүрдүүлэх
Сум, хорооны Засаг даргаас шаардлагатай тодорхойлолт болон нотлох баримтыг авна. Үүнд:
3-р алхам: Нотариатад хандах
Хууль ёсны өвлөгч шаардлагатай баримт бичгийг бүрдүүлэн нотариатад хандаж “Өвлөх эрхийн гэрчилгээ” гаргуулна. Мөн өв хүлээн авахаас татгалзах тохиолдолд хуульд заасан журмын дагуу хүсэлтээ гаргах боломжтой.
4-р алхам: Үнэт цаасны данс шалгах
Хууль ёсны өвлөгч E-Mongolia системээр дамжуулан өөрийн үнэт цаасны данстай эсэхээ шалгаж, шаардлагатай тохиолдолд брокерын компанид данс нээнэ.
5-р алхам: Хувьцаа, ногдол ашгийг шилжүүлэх
Үнэт цаасны төвлөрсөн хадгаламжийн төв нь нотариатын мэдээлэлд үндэслэн “Эрдэнэс Тавантолгой” ХК-ийн хувьцаа болон ногдол ашгийг хууль ёсны өвлөгчийн үнэт цаасны дансанд бүртгэж баталгаажуулна. Хүсвэл брокерын компаниар дамжуулан ногдол ашгийг өөрийн банкны данс руу шилжүүлэн авах боломжтой.
Иргэдэд зөвлөмж:
Хувьцаа, ногдол ашиг шилжүүлэхтэй холбоотой мэдээллийг зөвхөн албан ёсны эх сурвалжаас авч, шаардлагатай тохиолдолд холбогдох байгууллагуудаас лавлагаа авахыг зөвлөж байна.
