Дорнодынхоо энхрий бяцхан үрсдээ Олон улсын хүүхдийн эрхийг хамгаалах өдөр буюу "Хүүхдийн баяр"-ын мэндийг дэвшүүлж байна.
Хүүхдүүдийн амралт эхэлж буйтай холбогдуулан сургууль, цэцэрлэгийн гаднах тоглоомын болон спорт талбайг нээлттэйгээр ашиглуулах, спорт заалыг засвараас бусад үед ашиглуулах шийдвэрийг гаргалаа.
Хүүхэд гэдэг гэр бүлийн баяр баясгалан, амьдралын утга учир төдийгүй манай аймгийн, цаашлаад Монгол Улсын маань маргаашийн хувь заяа, гэрэлт ирээдүй билээ.
Хүүхдэд өгч чадах хамгийн том бэлэг бол таны хайр, халамж, тэдэнд зориулсан цаг хугацаа юм. Иймд эцэг эхчүүд та бүхэн хүүхдээ сонсож, тэднийг ойлгон, зөв үлгэр дуурайлал үзүүлж, урам зоригоор тэтгэж байхыг уриалж байна.
Хүүхдүүд та бүхний маань мөрөөдөл бүхэн биелж, ирээдүй чинь үргэлж гэрэл гэгээгээр дүүрэн байж, хүүхэд бүрийн инээд хөөр гэр дүүрэн цалгиж байхын ерөөлийг дэвшүүлье.
Сайхан баярлаарай.
