Монгол Улсын Ерөнхийлөгчийн зарлигаар хэрэгжүүлж буй “Эх оронч Монгол” үндэсний хөдөлгөөний хүрээнд иргэд, хүүхэд, залуучуудад цэрэг-эх оронч үзлийг төлөвшүүлэх зорилгоор “Эх оронч суралцагч” арга хэмжээг уламжлал болгон зохион байгуулдаг. Энэ жилийн арга хэмжээний нээлт тавдугаар сарын 08-ны өдөр ХХЕГ-т зохион байгуулагдлаа.
“Эх оронч суралцагч” арга хэмжээний хүрээнд МУИС, ШУТИС-ийн 316 оюутан, залуусыг Сэлэнгэ аймаг дахь Хилийн цэргийн 0101, 0243 дугаар ангийн хариуцсан хэсэгт орших түүхийн дурсгалт газар, хилийн баганатай танилцуулах юм.
Нээлтийн үйл ажиллагааны үеэр оюутнуудад хурандаа Б.Цэдэндорж “Эх оронч байхын учир” сэдвээр илтгэл тавьж, ХЦДБЧ-ын уран бүтээлчид урлагийн тоглолтоо толилуулан Улсын Хилийн музейг үзүүлсэн юм.
