Архангай аймаг, Монголын Хараагүйчүүдийн Үндэсний Холбоотой хамтран хөгжлийн бэрхшээлтэй иргэдийн эрхийг хангах, хүртээмжийг нэмэгдүүлэх зорилтын хүрээнд “Брайль цонх” төслийн сургалтыг зохион байгуулж байна. Сургалтад харааны бэрхшээлтэй 15 иргэн, төрийн болон төрийн бус, аж ахуйн нэгж байгууллагын нийт 70 хүн хамрагдах бөгөөд сургалтыг Монголын Хараагүйчүүдийн Үндэсний Холбооны брайль бичгийн мэргэжлийн багш удирдан 14 хоногийн турш 3 ээлжээр хичээллэн явуулах юм.