Өнөөдөр ажлаа авсан анхны өдрөө З.Цацрал эрхлэгчтэй нийслэлийн 22 дугаар цэцэрлэгт Заахаас Суралцахуйд шилжих (From Teaching to Learning) шинэчлэлийн хүрээнд авч хэрэгжүүлэхээр төлөвлөж байгаа арга хэмжээнүүдийг танилцуулж, санал солилцлоо.

Заахаас суралцахуйд шилжих шинэчлэл гэдэг нь дэлхий даяар боловсролын салбарт гарч буй суурь өөрчлөлт бөгөөд багш төвтэй, мэдээлэл дамжуулдаг сургалтаас сурагч төвтэй, идэвхтэй суралцах тогтолцоонд шилжихийг ойлгоно. Ярилцсан сэдвүүд:

✅ Багшийн гарын авлагыг хичээл төлөвлөлтөнд шууд ашиглах байдлаар гаргаж байгаа бөгөөд энэ нь багшийн хичээлд бэлтгэх ачааллыг бууруулах,

✅ Багшийн үндсэн цалинг нийт цалингийн 70 хувьд хүргэх, цаашид үндсэн цалинг өсгөх бодлого тууштай баримтлах,

✅ Ур чадварын нэмэгдлийг бүтнээр нь, гүйцэтгэлийн үнэлгээний урамшууллын 50 хувийг үндсэн цалинд шингээх,

✅ Багшийн хүүхдүүдтэй ажиллах цагийг нэмэгдүүлэх, 7 хоногийн цагийн нормын 19 цагийг 20 цаг болгож, бусад ачааллыг эрс багасгах,

✅ Анги дүүргэлтийн ачааллыг шинээр тооцож оруулах, ингэснээр 35-аас дээш хүүхдүүдтэй ангид хичээл заасан багш нэмэгдэл хөлс авдаг болох,

✅ Цаашид багш нар уламжлалт аргаар самбар дээр заахаас илүүтэй хүүхдүүдийг өөрсдөө суралцах арга барилд сургаж, дэмжиж ажиллах зэрэг орно.

Багш нар шинэчлэлийн бодлогыг цогцоор нь авч үзэхийг ойлгож, дэмжиж байна. Багшийн цалинг нэмэгдүүлэхдээ багш бус ажилчдынхаа цалинг хамт нэмэгдүүлэх саналыг 22-р цэцэрлэгийн багш нар онцгойлон анхаарч, захиж байсан нь нэгнээ гэсэн халуун дулаан сэтгэлийг мэдрүүлсэн сайхан уулзалт боллоо.

Хичээлийн амралт тавихаас өмнө маргааш уулзалтуудаа үргэлжлүүлнэ.