Аймаг, сумдын ИТХ-ын төлөөлөгчид, ажлын албаны албан хаагчдыг чадавхжуулах, хамтын ажиллагааг өргөжүүлэх, туршлага солилцох зорилгоор зүүн бүсийн сургалт, хэлэлцүүлгийг 05 сарын 08-ны өдөр Эрдэнэмандал суманд зохион байгуулж, Хайрхан, Жаргалант, Цэцэрлэг, Батцэнгэл, Эрдэнэмандал сумын 70 гаруй төлөөлөгч, албан хаагчид оролцоо.

Зохион байгуулагч аймгийн ИТХ-ын ажлын алба, Гэмт хэргээс урьдчилан сэргийлэх ажлыг зохицуулах салбар зөвлөлийн гишүүн байгууллага болох Прокурорын газар, Шүүхийн газар, Цагдаагийн газар болон Төрийн Аудитын газар, ХХААГ, БТСГ, Насан туршийн суралцахуйн төвийн багш нар сургалт, мэдээлэл хүргэв.

Энэ удаагийн бүсийн хэлэлцүүлгийг “Мал аж ахуйн салбарын эрсдэлийг бууруулахад иргэд, малчдын оролцоо” сэдвийн хүрээнд зохион байгуулж, хурлын төлөөлөгчид, иргэдийн зүгээс дараах саналууд гарсан байна.

Малчдын зөвлөгөөнийг аймгийн хэмжээнд зохион байгуулах, Эрдэнэмандал суманд эх барих эмчгүй, сумын төвд маллаж байгаа мал болон гахайг цэгцлэх, уурын зуухны хүчин чадлыг нэмэгдүүлэх, алслагдсан багийн өрхийг интернэтийн сүлжээгээр хангах, худаг уст цэгийн тоог нэмэгдүүлэх, МАЛ ХУЛГАЙЛАХ ГЭМТ ХЭРЭГТЭЙ ТЭМЦЭХ, УРЬДЧИЛАН СЭРГИЙЛЭХ ТУХАЙ хуулийг чангатгах, хүн ам олонтой багийн төвийг бага сургуультай болгох, бага ангийн хүүхдийг зайн сургалтад хамруулах, малчин гэр бүл тусдаа амьдарч байгаа талаар санал бодлоо илэрхийлсэн юм.

Аймгийн ИТХ-ын даргын зүгээс дээрх асуудлуудыг цааш нь мэргэжлийн байгууллага, албан тушаалтанд уламжлах, шийдвэрлүүлэх талаар анхаарч ажиллахаа илэрхийллээ