Байгаль орчныг хамгаалах тухай хууль, Байгалийн нөөц ашигласны төлбөрийн тухай хууль, сумын ИТХ-ын 2025 оны 12 дугаар сарын 19-ний өдрийн 30 дугаар тогтоолоор батлагдсан сумын “Байгаль хамгаалах, нөхөн сэргээх, хөтөлбөр, арга хэмжээний 2026 оны төлөвлөгөөний хүрээнд байгаль хамгаалах сангийн 10,0 сая төгрөгийн санхүүжилтээр хортон мэрэгч үлийн цагаан оготно ихсэж бэлчээр доройтуулах үйл явц хурдацтай явагдаж байгаа нутагт бэлчээр хамгаалах, биологийн төрөл зүйлийг зохистой хамгаалах, байгаль экологийн тэнцвэрт байдлыг хадгалах зорилгоор 50 ширхэг Шувууны үүрийг нутгийн малчидтай хамтран суурилуулах ажлыг эхлүүлээд байна.

Нийт 50 ширхэг үүрийг эхний ээлжинд 1 ,2, 4, 5 дугаар багуудад үлийн цагаан оготны тархац нутагт хамааруулан хуваарьлаж суулгах ажлыг малчидтай хамтран хийж гүйцэтгэх юм.