✅Монголчуудын угийн бичиг хөтлөх уламжлалт эрт үеийн уламжлал, үнэт өвийг хадгалан хамгаалах, түгээн дэлгэрүүлэх зорилгоор Монгол Улсын Их Хурлын 2022 оны “Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай” 01 дүгээр тогтоол, Засгийн газрын 2007 оны “Угийн бичиг хөтлөх журам батлах тухай” 257 дугаар тогтоолыг хэрэгжүүлэх ажлын хүрээнд “УДМЫН САНГИЙН АЛТАН ХЭЛХЭЭ” аян аймгийн 18 сум, 5 тосгонд өрнөж байна. Тус аяны хүрээнд:

📚Тусгай удирдамжийн дагуу Угийн бичгийг хамгийн сайн хөтөлсөн байгууллага, иргэнийг шагнаж урамшуулах уралдаан,

📚Өсвөр, үе, хүүхэд залуусын дунд эссе бичлэгийн уралдаан,

📚Угийн бичиг хөтлөлтийн үзэсгэлэн зэрэг олон арга хэмжээ 6 сарын хугацаанд зохион байгуулагдах ба угийн бичиг хөтөлж эхэлсэн өрхийн тоогоор энэхүү аяны үр дүн тодорхойлогдох юм.

✅Угийн бичиг хөтлөх арга зүй сургалтад хамрагдаж сургагч багшаар бэлтгэгдсэн 70 гаруй төрийн албан хаагчдаар дамжуулах сум бүр, байгууллага бүр энэхүү ажлыг түгээн дэлгэрүүлэх үүргийг хүлээж буйд талархал илэрхийлж, БАТЛАМЖ гардуулав.

Монгол Улсын тусгаар тогтнол, үндэсний аюулгүй байдал, Монгол хүний цус ариун байхад бид бүхний эхлүүлсэн ажил үр дүнгээ өгнө гэдэгт итгэлтэй байна. Амжилт хүсье!