Эрх бүхий байгууллагын зөвшөөрөлгүй газар ашиглах, барилга байгууламж барих, эзэмшил өмчлөлийн газраа дур мэдэн сунгах зэрэг нь “Зөрчлийн тухай хууль”-д зөрчилд тооцогдохоор хуульчилсан байдаг. /Зөрчлийн тухай хуулийн 8.1 дүгээр зүйлийн 10.1 дэх хэсэг/

Дээрх зөрчил гаргасан Иргэнийг 500,000 төгрөгөөр, аж ахуйн нэгж байгууллагыг 5.000.000 төгрөгөөр торгохоор хуульд заасан байдаг.

Иймд иргэн, аж ахуйн нэгж байгууллага та бүхэн эрх байгууллагын зөвшөөрөлгүй газар эзэмших, ашиглахгүй байх мөн зөвшөөрөлгүй барилга байгууламж барихгүй байхыг анхааруулж байна.

Газрын тухай хуулийн 57.3-т зааснаар “Зохих зөвшөөрөлгүй барилга байгууламж барьсан эсхул дур мэдэн газар эзэмшсэн бол аймаг, нийслэл, сум, дүүргийн Засаг дарга уг газрыг чөлөөлөх тухай мэдэгдэл өгнө”.

Газрын тухай хуулийн 57.4-т зааснаар “Мэдэгдэлд заасан хугацаанд газрыг чөлөөлөөгүй бол аймаг, нийслэл, сум, дүүргийн Засаг дарга уг газрыг албадан чөлөөлөх арга хэмжээ авч, холбогдох зардлыг гэм буруутай этгээдээс гаргуулна” гэж заасан байна.