Өнөөдөр аймгийн Засаг Ш.Ёл Бүгд Найрамдах Хятад Ард Улсаас Монгол Улсад суугаа Онц бөгөөд Бүрэн эрхт Элчин сайд Шэнь Миньжуань тэргүүтэй зочид төлөөлөгчдийг хүлээн авч уулзлаа. Уулзалтад МУЗН-ийн ерөнхий нарийн бичгийн дарга Н.Болормаа мөн оролцсон юм.

Аймгийн Засаг даргын хувьд Монгол Улсын Засгийн газраас бүсчилсэн хөгжлийн бодлогын хүрээнд Зүүн бүс нутгийг түүхэн аялал жуулчлалын бүс болгохоор төлөвлөөд байна. Зүүн бүс нутгийн эдийн засгийн тэргүүлэх чиглэлүүд болох түүхэн болон хил дамнасан аялал жуулчлал, тээвэр логистик, эрчимжсэн мал аж ахуйн хүрээнд Зүүн Хойд Азитай холбох хамгийн дөт гарц Дорнод аймаг учир авто зам, төмөр зам, агаарын шинэ замыг нээх, боомтуудын хүчин чадлыг нэмэгдүүлэх чиглэл баримталж буйг дуулгаж, энэ хүрээнд хамтын найрсаг харилцаагаа улам өргөжүүлэх хүсэлтэй байгаагаа илэрхийллээ.

Тухайлбал талууд хөрш зэргэлдээ бүс нутгуудын хооронд худалдаа, эдийн засаг, хөдөө аж ахуй, аялал жуулчлалын форум, уулзалт, үзэсгэлэн худалдааг тогтмол зохион байгуулж, хамтын ажиллагааг өргөжүүлэх,

2. Хавирга-Архашаат хилийн боомтыг түшиглэсэн худалдааны чөлөөт бүс байгуулах чиглэлээр хамтран ажиллах.

3. Аялал жуулчлалын тур оператор, агент компаниудыг хооронд нь холбож, хамтран ажиллахад дэмжлэг үзүүлэх, Өвөл, зун аялах, аялал жуулчлалын маршрутыг бий болгох,

4.Аялал жуулчлалыг хөгжүүлэхэд дэд бүтцийн асуудал чухалд тавигддаг. Иймд танай талаас аялал жуулчлалын дэд бүтцэд хөрөнгө оруулалт хийх сонирхолтой аж ахуйн нэгжийг бид дэмжиж ажиллана.

5.Жижиг дунд үйлдвэрлэлийг дэмжиж сүү, сүүн бүтээгдэхүүн, хүнсний ногоо гүн хөлдөөх, хатаах боловсруулах үйлдвэрүүдийн тоног төхөөрөмжийг хөнгөлөлттэй нөхцөлөөр импортлох,

6.Агро парк байгуулахад шаардагдах техник, тоног төхөөрөмжийг хөнгөлөлттэй нөхцөлөөр импортлох,

7. Өвлийн хүлэмж, сэргээгдэх эрчим хүчний салбарт хамтран ажиллах,

8. Үр тариа буудай, мах, махан бүтээгдэхүүн, байгалийн хадлан тэжээл, мод, модны суулгац, модон материал, барилгын материал зэргийг экспорт, импортоор нэвтрүүлэхэд холбогдох мэргэжлийн, байгууллагуудаар дамжуулан хоёр талын Засгийн Газарт уламжлан шийдвэрлүүлэх.

9. Оюутан солилцоо, тэтгэлэгт хамруулах хөтөлбөрийг хамтарч хэрэгжүүлэх, Хятад хэлний багш нарыг солилцоогоор авчрах, хятад хэлний хүүхдийн зуны вакум сургалт, зуслангийн солилцооны төсөл хөтөлбөр хэрэгжүүлэхэд хамтран ажиллах зэрэг саналуудыг дэмжиж ажиллахаар хэлэлцэв.