ЗҮҮН БҮСИЙН УУЛЗАЛТ, ХЭЛЭЛЦҮҮЛЭГ ЗОХИОН БАЙГУУЛАГДАЖ БАЙНА**
Монгол Улсад гэмт хэрэг, зөрчлөөс урьдчилан сэргийлэх ажлыг эрчимжүүлэх, үр нөлөөг дээшлүүлэх зорилгоор Монгол Улсын Гэмт хэргээс урьдчилан сэргийлэх ажлыг зохицуулах салбар зөвлөл, Хэнтий, Дорнод, Сүхбаатар, Дорноговь аймгуудын салбар зөвлөлүүд болон Дэлхийн байгаль хамгаалах сангийн Монгол дахь хөтөлбөрийн газрын Зүүн бүсийн салбар хамтран
**“Хүрээлэн буй орчин, мал хулгайлах, мансууруулах эм, сэтгэцэд нөлөөт бодистой холбоотой гэмт хэрэг, зөрчлөөс урьдчилан сэргийлэх ажлын үр дүнг дээшлүүлэх нь”** сэдэвт зүүн бүсийн уулзалт, хэлэлцүүлгийг Хэнтий аймгийн Чингис хотноо зохион байгуулж байна.
Тус уулзалт, хэлэлцүүлгээр:
▪ Хүрээлэн буй орчны эсрэг гэмт хэрэг, зөрчлийн нөхцөл байдал, тулгамдаж буй асуудлыг хэлэлцэх
▪ Мал хулгайлах гэмт хэргээс урьдчилан сэргийлэх чиглэлээр авч хэрэгжүүлж буй арга хэмжээ, үр дүнг дүгнэх
▪ Мансууруулах эм, сэтгэцэд нөлөөт бодистой холбоотой гэмт хэргийн шалтгаан, нөхцөлийг тодорхойлох
▪ Салбар хоорондын хамтын ажиллагааг бэхжүүлэх, туршлага солилцох
▪ Урьдчилан сэргийлэх ажлын шинэлэг арга хэлбэрийг нэвтрүүлэх асуудлуудыг тус тус хэлэлцэж байна.
Уг арга хэмжээнд төрийн болон хууль сахиулах байгууллагууд, орон нутгийн удирдлагууд, мэргэжлийн байгууллагуудын төлөөлөл оролцож, бүс нутгийн хэмжээнд тулгамдаж буй асуудлыг хамтын оролцоотойгоор шийдвэрлэх, цаашдын үйл ажиллагааны чиглэлийг тодорхойлох ач холбогдолтой юм.
Цаашид талууд хамтын ажиллагаагаа өргөжүүлж, гэмт хэрэг, зөрчлөөс урьдчилан сэргийлэх ажлын үр нөлөөг нэмэгдүүлэх, иргэдийн аюулгүй байдлыг хангахад чиглэсэн бодлого, арга хэмжээг шат дараатай хэрэгжүүлэхээр зорин ажиллаж байна.
