Монгол Улсын Засгийн газрын 2011 оны 339 дүгээр тогтоолын дагуу жил бүрийн 03 дугаар сарын 4 дэх долоо хоногийн Пүрэв гарагт Гамшгийн аюулын зарлан мэдээллийн дуут дохиогоор ажиллах бүх нийтийн бэлэн байдлын дадлага, сургууль 2026 оны 03 дугаар сарын 26-ны 16:00 цагт улсын хэмжээнд зохион байгуулагдлаа.
- Гамшгийн аюулын тухай зарлан мэдээллийн дохиогоор ажиллах дадлага, сургууль нь зарлан мэдээллийг бүх нийтэд үнэн зөв, шуурхай хүргэх, удирдлагын мэдээллийн нэгдсэн тогтолцоо бүрдүүлэх байгууллага, аж ахуйн нэгж, иргэдийг тогтоосон дохиогоор ажиллах үйл ажиллагаанд дадлагажуулах, аюулгүй байдлаа хангахад сургах, урьдчилан сэргийлэх, хариу арга хэмжээ авах мэдлэг эзэмшүүлэх ач холбогдолтой.
- Энэхүү байгалийн давагдашгүй хүчин зүйлийн өмнө бид мэдлэгтэй, бэлтгэлтэй байх нь гамшиг аюулыг хохирол багатай даван туулах арга юм.
- Гамшгийн аюулын тухай зарлан мэдээллийн дохиогоор ажиллах дадлага, танхимын сургалтад сургууль, цэцэрлэгийн 178 хүүхэд хамрагдлаа.
- Төрийн албан хаагчид, иргэд, хүүхдүүд нийт 135 иргэн, 28 техник хэрэгсэлтэй тогтоосон цугларах талбайд аюулгүй байдлаа ханган дадлага сургуульд идэвхтэй оролцлоо. Зарлан мэдээллийн дуут дохиогоор ажиллах дадлага сургуульд идэвхтэй хамрагдаж, газар хөдлөлтийн аюулаас урьдчилан сэргийлэх мэдлэгээ дээшлүүлсэн иргэд, хүүхэд багачуудадаа баярлалаа.
