Агаарын бохирдлыг бууруулах чиглэлээр байгуулагдсан ажлын хэсгүүдийн хамтарсан зөвлөлдөх уулзалт өнөөдөр боллоо. Уулзалтаар энэ чиглэлээр авч хэрэгжүүлсэн арга хэмжээ, өнөөгийн нөхцөл байдлын талаар талууд мэдээлэл солилцов. Аймгийн ИТХ-ын төлөөлөгчдөөс бүрдсэн агаарын бохирдлыг бууруулах чиглэлээр хяналт тавьж ажиллах, утааг багасгах чиглэлээр гарц гаргалгаа, шийдэл олох судалгааны ажлын хэсгийн зүгээс энэ чиглэлээр аймаг, орон нутагт нэвтрүүлэх боломж бүхий техник технологийн ололт, инновацын шийдлийн талаар мэргэжлийн болон бусад байгууллагатай хамтран холбогдох тооцоо судалгаа хийж, судалгааны явцын талаарх мэдээллээ аймгийн ИТХ-д танилцуулах юм.