Ерөнхий боловсролын сургуулийн захирлуудын мэргэжил, арга зүйн хөгжлийг дэмжих "Идэвхтэй сургалтын арга зүй" сэдэвт сургалтын үр дүнг үнэлэх, хэрэгжилтэд дэмжлэг үзүүлэх, зөвлөн туслах үйл ажиллагаа - Өмнөговь аймагт
✍️Ерөнхий боловсролын сургуулийн сургалт арга зүйн шинэчлэл, багшийн хөгжилд захирлуудын үүрэг оролцоог нэмэгдүүлэх, сургалт арга зүй, мэдлэг ур чадвараа хөгжүүлэхэд нь дэмжлэг үзүүлэх зорилготой зөвлөн туслах үйл ажиллагааг 2025 оны 09 дүгээр сарын 15-19-ний өдрүүдэд Өмнөговь аймгийн Даланзадгад сумын 3-р сургууль, 4-р сургууль, 5-р сургууль, Баяндалай сумын сургууль, Ханбогд сумын 2-р сургуулиудад зохион байгууллаа.
✍️Өмнөговь аймгийн хэмжээнд 2024-2025 оны хичээлийн жилд цэцэрлэг, ерөнхий боловсролын сургуулийн МБНБ-ийн үйл ажиллагааг идэвхжүүлэх аяныг 2 дахь жилдээ зохион байгуулж 39 сайн туршлагыг хэлэлцэн онцлог МБНБ-ийн тайланг боловсролын салбарын “Чадварлаг багш” сэтгүүлдээ хэвлүүлэн багш нарын хүртээл болгосон сайн туршлагатай байна.Мөн орон нутгийн төсвөөр сургалтын байгууллагуудын орчныг сайжруулснаар суралцагчдын сурах таатай, эрүүл аюулгүй орчныг нэмэгдүүлэн ажилласан онцлогтой байна.
👉Энэхүү үйл ажиллагааны хүрээнд дараах сайн туршлагуудыг онцолж байна.
✅Даланзадгад сумын 3-р сургууль
🔹Сургуулийн хэмжээнд нийт 7 багш нар МБНБ -т нэгдэн ажиллаж байна. МХУЗ-ын багш Ч.Лхагвадулам ахлагчтай “Бүтээлч уншлагыг хөгжүүлэх нь” бүлэг нь бүтээлчээр унших чадварыг хөгжүүлэхийн тулд номын тэмдэглэл хөтлөх, уншсан номоор подкаст хийх, хэлэлцүүлэг ярилцлага хийх, номын клуб ажиллуулах зэрэг суралцагчдын чадварыг хөгжүүлэхэд үр дүн гаргасан байна.
✅Даланзадгад сумын 4-р сургууль
🔹Сургуулийн хэмжээнд Гадаад хэлний багш О.Мөнхзул ахлагчтай МБНБ нь “Багш багшаасаа суралцъя” арга зүйн туршлага солилцох үйл ажиллагааг хэрэгжүүлж аймагтаа туршлагаа танилцуулсан.
🔹Бүлгийн үйл ажиллагаагаар Анита Фарнийн зохиолыг унших аян, Lingors цахим ном унших 21 хоногийн марафон уншлагад 2-р байр эзэлсэн. Welcome англи хэлний хөтөлбөр хэрэгжиж багш нарын ур чадвар сайжирч уралдаан тэмцээнд тогтмол амжилттай оролцсон байна. Ном унших аян ажиллуулснаар суралцагчдын сурлагын чанар 4.8%-иар ахисан байна.
🔹Монгол улсын Зөвлөх багш Ш.Охинбаатар бага боловсролын “Математик клуб” МБНБ -ийг чиглүүлэн ажиллаж байна. Суралцагчдын гарааны оношилгоог 5 минутын өгүүлбэртэй бодлогын чадвараар үнэлж, анализ хийж ажилласнаар 55.5% болж ахисан байна.
✅Даланзадгад сумын 5-р сургууль
🔹Даланзадгад сумын 5-р сургуулийн 14 багш сургалтын менежер Д.Бямбасүрэн ахлагчтай “Ментор багш хамтран суралцъя” МХБ ажиллаж байна. Тулгамдаж буй асуудлаа тодорхойлж МХБ-нь 8 чиглэлийн үзүүлэлтээр төлөвлөн ажиллаж байна. “Идэвхтэй сургалтын арга зүй” сургалтаа зохион байгуулж багш нартаа ИС-ын 100 арга номын дэмжлэг үзүүлсэн. Цаашид “Судалгаат хичээл” зохион байгуулан арга зүйгээ баяжуулан ажиллахаар төлөвлөсөн. МХБ-ийн үр дүнгээр аймагт 1-р байр эзэлсэн.
✅Баяндалай сумын сургууль
🔹Баяндалай сумын ерөнхий боловсролын сургуулийн багш нар ээлжит хичээлийг идэвхтэй сургалтын аргуудаар төлөвлөн хэрэгжүүлж байна. Мөн багш бүр “Багш нарыг өөрийн хичээлд суулгасан тэмдэглэл” дэвтрийг хөтлөн хэрэгжүүлж хэвшсэн сайн талтай байна.
✅Ханбогд сумын 2-р сургууль
🔹Сургуулийн хэмжээнд нийт 8 багш нар МБНБ -т нэгдэн ажиллаж байна.Дуу хөгжмийн багш Х.Цэцэнбаяр ахлагчтай “Хөөрхөн ертөнц” бүлэг нь тусгай хэрэгцээт хүүхдүүдэд ганцаарчилсан сургалтын төлөвлөгөө боловсруулан суралцагчдыг тэгш хамруулах, нийгэмд эзлэх байр суурийг нь нэмэгдүүлж, өөртөө итгэх итгэлтэй болгон хөгжүүлэхэд хөгжим, биеийн тамирын хичээлээр авъяасыг дэмжиж, ахиц гарган ажиллаж байна.
