Өгөгдлийн шинжээч /мэргэжилтэн/

Ажлын байрны зорилго:

Гэр бүл, хөдөлмөр, нийгмийн хамгааллын салбарын их өгөгдөл боловсруулах ажлын хэсэг, багт орж үр дүнтэй ажиллах, гүйцэтгэгч байгууллагатай хамтарч ажиллах, их өгөгдөл бий болгох, боловсруулах, нэгтгэх, өгөгдлүүдэд ETL процесс хийх, BI дашбоард болон тайлангуудыг нарийвчлалтай, үнэн зөв гаргах, Монгол Улсын хөдөлмөр эрхлэлтийн системийн динамик загварыг хөгжүүлэх үйл ажиллагааг хариуцан хэрэгжүүлэх, бэлэн өгөгдөлд суурилан тооцоолол гаргах, шинжилгээ хийх, судалгаа шинжилгээний үр дүнг салбарын бусад нэгжүүдэд тайлагнах, шийдвэр гаргалтыг дэмжих чиг үүргийг хэрэгжүүлж ажиллана.

Гүйцэтгэх үндсэн үүрэг:

• Гэр бүл, хөдөлмөр, нийгмийн хамгааллын салбар, Хүн ам, хөдөлмөр, нийгмийн хамгааллын сургалт, судалгааны хүрээлэнгийн дотоод болон гадаад эх үүсвэрээс өгөгдөл цуглуулах, цэвэрлэх, нэгтгэх, өгөгдлийн сантай харьцах;

• Статистик шинжилгээ, өгөгдлийн загварчлал, урьдчилсан таамаглал (forecasting) хийх;

• Машин сургалтын (Machine Learning) загвар боловсруулж, сайжруулах;

• Tableau, Power BI зэрэг BI хэрэгслээр мэдээллийг дүрслэх, dashboard бүтээх;

• Их өгөгдлөөр дата тайлан, дүн шинжилгээ боловсруулах;

• Өгөгдлийн чанар, найдвартай байдлыг хангах, өгөгдлийн сантай холбогдох асуудлыг шийдвэрлэх;

• Data pipeline, автоматжуулалт, API холболт, ETL процесс боловсруулахад оролцох.

Ажлын байранд тавигдах шаардлага

Боловсрол:

• Математик, Статистик, Компьютерын шинжлэх ухаан, Мэдээллийн технологи, Эдийн засгийн чиглэлээр бакалавр ба түүнээс дээш зэрэгтэй байх.

Мэргэжлийн ур чадвар:

• Python эсвэл R хэлээр ажиллах чадвартай байх;

• SQL өгөгдлийн сан (MySQL, PostgreSQL, MSSQL гэх мэт) ашиглаж чаддаг байх;

• Machine Learning-ийн суурь ойлголттой, Scikit-learn эсвэл TensorFlow/PyTorch ашиглаж байсан туршлагатай байх;

• Tableau, Power BI, эсвэл бусад BI хэрэгслээр өгөгдлийг дүрслэх, тооцоолол хийх чадвартай байх;

• Статистик шинжилгээ, өгөгдлийн тайлбар хийх ур чадвартай байх;

• GitHub, Google Colab, Jupyter Notebook орчинд ажиллах туршлагатай бол давуу тал болно.

Хувийн ур чадвар:

• Шинжилгээний болон шүүмжлэлтэй сэтгэлгээтэй байх;

• Датагаас утга гаргах, шийдвэр гаргалтад дэмжлэг үзүүлэх логик сэтгэлгээтэй байх;

• Багаар болон бие даан ажиллах чадвартай байх;

• Цагийн менежмент сайн, шинэ зүйл сурах сонирхолтой байх.

Давуу талууд:

• Machine Learning төсөл хэрэгжүүлж байсан туршлагатай байх;

• Cloud орчин (AWS, Google Cloud, Azure) ашиглаж байсан туршлагатай байх;

• NLP (Natural Language Processing), Time Series Forecasting чиглэлээр туршлагатай байх;

• Tableau/Power BI сертификаттай бол давуу тал болно.

Нэмэлт мэдээлэл

• Үндсэн ажилтан.

Холбоо барих

• 99227080, 77001331