Монгол Улсын Засгийн Газрын 2018 оны “Түүхий нүүрс хэрэглэхийг хориглох тухай” 62 дугаар тогтоолын хэрэгжилтийг хангах ажлын хүрээнд Нийслэлийн Засаг даргын 2025 оны 08 дугаар сарын 01-ны өдрийн А/1052 захирамжаар Нийслэлийн агаарын чанарын бүсэд дулаан, эрчим хүч үйлдвэрлэх үйл ажиллагаа явуулах уурын болон усан халаалтын зууханд түүхий нүүрс хэрэглэхийг хориглож, угааж баяжуулсан нүүрс (мидлинг), хийн түлшний хэрэглээнд бүрэн шилжсэн. Технологийн шинэчлэлтэй холбоотойгоор тусгай зөвшөөрөл эзэмшигч аж ахуйн нэгжүүдийн үнэ тарифыг Эрчим хүчний тухай хуулийн 11 дүгээр зүйлийн 11.3.3 дахь хэсэг, Захиргааны ерөнхий хуулийн 67 дугаар зүйлийн 67.2, Mонгол Улсын Засгийн газрын 2026 оны 05 дугаар 06-ны өдрийн 181 дүгээр тогтоолын 5 дугаар хэсэг, Эрчим хүчний зохицуулах хорооны 2024 оны 504 дүгээр тогтоолоо баталсан “Цахилгаан, дулааны эрчим хүчний тариф тогтоох аргачлал”-ын 4.5 дугаар зүйл, “Хэсэгчилсэн инженерийн хангамжийн удирдах газар” ОНӨААТҮГ-ын 2026 оны 08 дугаар сарын 20-ны өдрийн 200 тоот албан бичгээр ирүүлсэн тарифын саналыг тус тус үндэслэн Нийслэлийн зохицуулах зөвлөлөөс тариф шинэчлэн тогтоохоор санал авч байна.