“Агаарын чанарыг сайжруулах бүсэд мөрдөх журмыг шинэчлэн батлах тухай” тушаал/захирамжийн төсөлд санал авах тухай Монгол Улсын Агаарын тухай хуулийн 15 дугаар зүйлийн 15.1, 15.2, 15.3, 15.4 дэх хэсэгт заасан бүрэн эрхийн хүрээнд Байгаль орчин, уур амьсгалын өөрчлөлтийн сайд болон Нийслэлийн Засаг дарга бөгөөд Улаанбаатар хотын Захирагч хамтран батлах “Агаарын чанарыг сайжруулах бүсэд мөрдөх журмыг шинэчлэн батлах тухай” тушаал/захирамжийн төсөл-ийг боловсруулаад байна. Энэхүү журмын шинэчлэлийн зорилго нь: Агаарын чанарыг сайжруулах бүсэд хэрэгжүүлэх арга хэмжээний зохицуулалтыг боловсронгуй болгох; Агаарын бохирдлыг бууруулах, урьдчилан сэргийлэх үйл ажиллагааны хэрэгжилтийг сайжруулах; Иргэн, аж ахуйн нэгж, байгууллагын оролцоо, хариуцлагыг тодорхой болгох; Агаарын чанарын үзүүлэлтийг сайжруулах чиглэлээр хэрэгжүүлэх арга хэмжээг нэгдсэн байдлаар зохион байгуулахад оршино. Иймд иргэн, аж ахуйн нэгж, байгууллагуудыг дээрх тушаал/захирамжийн төсөлтэй танилцан, холбогдох санал, зөвлөмжөө ирүүлэхийг хүсье. Санал хүлээн авах цахим хаяг: 📧 info@aprd.ub.gov.mn Хугацаа: 2026/07/07-2026/08/07 Дэлгэрэнгүй мэдээллийг: ☎ 11-320059 дугаараас авна уу. Нийслэлийн Агаар, орчны бохирдолтой тэмцэх газар