Боловсролын ерөнхий хуулийн 40 дүгээр зүйлийн 40.3-т “Эцэг, эх, асран хамгаалагч, харгалзан дэмжигч боловсролын сургалтын байгууллагатай гэрээ байгуулан хамтран ажиллах бөгөөд гэрээний загварыг боловсролын асуудал хариуцсан төрийн захиргааны байгууллага батална.” гэж заасныг үндэслэн Боловсролын ерөнхий газрын даргын 2023 оны А/276 дугаар “Гэрээний загвар батлах тухай” тушаалын хавсралтаар эцэг эх, асран хамгаалагч, харгалзан дэмжигч, сургуулийн өмнөх болон ерөнхий боловсролын сургалтын байгууллагатай байгуулах гэрээний загвар батлагдсан. Боловсролын сайдын 2026 оны 06 дугаар сарын 08-ны өдрийн А/119 дугаар “Төрийн бус өмчийн ерөнхий боловсролын сургуулийн сургалтын төлбөрийн талаар авах арга хэмжээний тухай” тушаалд зааснаар Боловсролын ерөнхий газрын даргын 2023 оны А/276 дугаар “Гэрээний загвар батлах тухай” тушаалын хоёрдугаар хавсралтаар батлагдсан “Эцэг эх, асран хамгаалагч, харгалзан дэмжигч ерөнхий боловсролын сургуультай хамтран ажиллах гэрээний загвар”-т нэмэлт өөрчлөлт оруулж байгаа тул Захиргааны ерөнхий хуулийн 62 дугаар зүйлийн 62.1-д заасны дагуу захиргааны хэм хэмжээний актын төсөлд санал авч байна. “Эцэг эх, асран хамгаалагч, харгалзан дэмжигч ерөнхий боловсролын сургуультай хамтран ажиллах гэрээний загвар”-т нэмэлт өөрчлөлт оруулж буй төсөлтэй танилцаж, саналаа 2026 оны 07 дугаар сарын 10-ны өдрийн дотор *bayankhuu@agency.edu.mn* хаягаар ирүүлнэ үү.