“Алсын хараа 2050” Монгол улсыг хөгжүүлэх урт хугацааны хөгжлийн бодлогын 1.1 дэх зорилтын 4 дэх заалт, аймгийн Засаг даргын 2025-2028 оны үйл ажиллагааны хөтөлбөрийн 2.2.1.1 дэх заалтын хэрэгжилтийг хангах хүрээнд соёлын аялал жуулчлалыг хөгжүүлэх, орон нутгийн онцлог шинжийг агуулсан үйл ажиллагааг тогтмолжуулах, бүх нийтийн түүх, соёлын боловсролыг дээшлүүлэх, иргэдэд түүх, соёлын дурсгалт газрыг зүй зохистой ашиглах, хамгаалах үзлийг сурталчлах зорилгоор “СЭЛЭНГЭ ШҮТЭЭН” арга хэмжээг аймгийн Засаг даргын 2026 оны 03 дугаар сарын 25-ны өдрийн А/161 дүгээр захирамжийн дагуу 2026 оны 4 дүгээр сарын 5-ны өдөр зохион байгууллаа.

“Сэлэнгэ шүтээн” эвентийн хүрээнд зохион байгуулагдсан “Тахилга, тайлгын газар-Ээж мод” хэлэлцүүлгийг Шинжлэх Ухааны Академийн Түүх, угсаатны зүйн хүрээлэнгийн Ойрх үеийн салбарын эрхлэгч түүхийн ухааны доктор, профессор Да. Эрдэнэбат чиглүүлэн Монгол улсын Соёлын гавьяат зүтгэлтэн, сэтгүүлч, судлаач Б.Галаарид Ph.D, ШУА-ийн Түүх, угсаатны зүйн хүрээлэнгийн Угсаатны соёлын биет бус өвийн салбарын эрдэм шинжилгээний ажилтан, магистр У.Пүрэвжав, МУ-ын Соёлын Гавьяат зүтгэлтэн, Монголын зохиолчдын эвлэлийн шагналт яруу найрагч, төрийн зайран Д.Бямбадорж, Соёл, урлаг, аялал жуулчлал, залуучуудын газрын Түүх, соёлын өвийн асуудал хариуцсан мэргэжилтэн, Улсын байцаагч С.Хишгээ, Сэлэнгэ аймаг дахь сүсэгтний холбооны гишүүн С.Мөнхтогоо, БНХАУ-ын Өвөр Монголын өөртөө засах орны “Бөө судлаач” Wang.Shuli нар илтгэл хэлэлцүүлж, аймгийн Нэгдсэн музей, соёл, урлагийн байгууллагын Орон нутаг сурталчлах танхимын ажилтнууд хамрагдлаа.

Нээлтийн үйл ажиллагаанд аймгийн Шаамар сумын Засаг даргын орлогч Ө.Эрдэнэбилэг, Нийтийн номын сан, Ардын дуу, бүжгийн “Сэлэнгийн долгио” чуулга, “Мөнгөн хараа” дуу, бүжгийн чуулга, Шаамар сумын соёлын төвийн мэргэжлийн багш нар болон дугуйлангийн сурагчид, МУСТА Цэрэндолгор, дуучин Уянга, Монголын Зохиолчдын Эвлэлийн Сэлэнгэ аймаг дахь салбарын нарийн бичгийн дарга Д.Цэвээнгэрэл нар оролцон Сэлэнгэ аймгийн болоод нутаг орноо магтан дуулсан уран бүтээлүүдийг үзэгчдэд өргөн барьж, “Нүүдлийн шувууны даллага” соёлын боловсролын хөтөлбөрийг таниулан ажиллалаа.

Жавхлант, Хүдэр, Түшиг, Хушаат, Шаамар Ерөө, Зүүнбүрэн, Сант, Сайхан, Цагааннуур сум, Дулаанхаан, Номгон, Рашаант тосгоны соёлын төвийн ажилтан, албан хаагч, уран бүтээлчид хамтран соёлын боловсролын хөтөлбөр, язгуур урлагийн тоглолт, гар урлаачдын болон уламжлалт идээ, ундааны үзэсгэлэнг дэлгэсэн бол Монголын зохиолчдын эвлэлийн Сэлэнгэ аймаг дахь салбарын хамт олон “Найргийн өргөө”-ний үйл ажиллагаагаар МЗЭ-ийн гишүүн яруу найрагч П.Нарангэрэлийн "Чулуу дунших" номын нээлт, “Төрөлх Монгол хэл” уран бичлэгийн уралдааны шагнал гардуулах ёслол, бүх гишүүдийн уран бүтээлийн уншлага зэрэг үйл ажиллагааг ёслол төгөлдөр зохион байгуулж, ард иргэдэд бүтээл, туурвилаа танилцууллаа.

“Сэлэнгэ шүтээн” эвентийн үеэр Сэлэнгэ аймгийн Сүсэгтний холбооны тэргүүн Б.Даваа, “Их хурмаст тэнгэр” болон “Дүнгэр” төв, Өвөр Монголын өөртөө засах орны бөө судлаачид ээж мод, долоон бурхан од, их галын тахилгын зан үйлийг үйлдэж, бөөгийн музей байгуулах шавийг тавин, иргэдэд бөө мөргөлийн тахилга, тайллагын зан үйл болон байгаль дэлхийгээ хайрлан хамгаалах соёл, уламжлалыг түгээн дэлгэрүүллээ.

Мөн Сэлэнгэ аймгийн Сүхбаатар, Шаамар сум, Дархан, Орхон аймгийн худалдаа, үйлдвэрлэл эрхлэгчид гар урлал, орон нутгийн брэнд бүтээгдэхүүн, түргэн хоол зэрэг үзэсгэлэн худалдааг зохион байгуулсан бөгөөд тухайн өдөр гадаад, дотоодын 10000 орчим аялагчид соёлын болон бусад үйлчилгээг дэлгэн үйлчиллээ.