МЭНДЧИЛГЭЭ

Эрхэм хүндэт даатгуулагчид, ажил олгогчид, тэтгэвэр, тэтгэмж авагчид, хамтрагч байгууллагууд, нийгмийн даатгалын салбарын ахмадууд, үе үеийн ажилтан, албан хаагч Та бүхэндээ XVII жарны "Элдэв эрдэнэт" хэмээх Модон могой  жилийн Цагаан сарын баярын мэндийг өргөн дэвшүүлье.

Элбэг дэлбэг, амгалан тайвныг бэлгэдэн морилон ирж буй могой жилийг Нийгмийн даатгалын байгууллага “Даатгуулагчдыг дэмжих, нийгмийн даатгалын шимтгэлийн өрийг барагдуулах” жил болгон зарлаж, Нийгмийн даатгалын багц хуулийн хэрэгжилтийг зохион байгуулах, ажил олгогчдыг дэмжих, нийгмийн даатгалын үйлчилгээг даатгуулагч бүрт чирэгдэлгүй, шуурхай хүргэх, мэдээллийн системийн шинэчлэлийг тогтворжуулах, цахим үйлчилгээг өргөжүүлэх зорилт тавин ажиллаж байна. 

Та бүхэн хотол түмнээрээ Сар шинэдээ сайхан шинэлээрэй.