Баян-Өлгий аймгийн удирдлагууд Хилийн боомтын захиргааны Баян-Өлгий аймаг дахь хилийн Даян, Цагааннуур, Өлгий боомтыг хариуцсан төлөөлөгчөөр шинээр томилогдсон Даутын Есболатыг хүлээн авч уулзлаа.

Хилийн боомтын захиргааны даргын 2025 оны 03 дугаар сарын 06-ны өдрийн Б/06 дугаар тушаалаар Д.Есболат нь дээрх боомтуудыг хариуцан ажиллахаар томилогдсон бөгөөд энэ хүрээнд аймгийн удирдлагууд түүнтэй уулзан ажилд нь амжилт хүсч, боомтын үйл ажиллагааны талаар санал солилцов.