“Бодь тэгри эко” хотхоны оршин суугчдаас гаргасан гомдлын дагуу аймгийн Засаг даргын захирамжаар байгуулагдсан ажлын хэсэг тус хотхоны А, Б байрны оршин суугчдын төлөөлөл болон “Бодь цогт групп”-ын инженер, албаны хүмүүстэй уулзлаа. Ажлын хэсгийн зүгээс хотхоны иргэд, оршин суугчдын зүгээс гаргаад буй гомдлын мөрөөр газар дээр нь ажиллаж, тэдний гомдлыг барагдуулах талаар хариуцагч компанид чиглэл өгөв. Аймгийн Засаг даргаас “Бодь тэгри эко” хотхоны иргэдээс ирүүлсэн гомдлыг заасан хугацаанд яаралтай барагдуулж, оршин суугчдын тав тухтай байдлыг хангаж ажиллахыг үүрэг болголоо.